廣州造紙集團

出自維基百科,自由嘅百科全書
  呢篇文講嘅唔係港紙
廣州造紙集團
類型國營企業
開檔1936年
總部地址中國 中國廣東廣州南沙區
珠江街道新廣一路29號
產業整紙同出紙
產品紙製品
網址http://www.gzpaper.com.cn

 廣州造紙集團粵拼gwong2 zau1 zou6 zi2 zap6 tyun4 ,又嗌廣州造紙廠gwong2 zau1 zou6 zi2 cong2,簡稱廣紙集團廣紙,係中國廣東廣州嘅工廠,1936年成立,位置喺南沙區珠江街道新廣一路29號。間嘢主要生產紙張為主。

佢亦係中國大陸第一間新聞紙生產企業。

[編輯]

開廠期間,受到大整蠱。[編輯]

間嘢喺1933年底喐手起,用咗2年半時間起好,初期改名做廣東省營製紙廠,位置喺河南嘅燕子崗到南石頭一帶。但開廠後2年,工廠馬上要投產時因抗日戰爭爆發,加上日軍殺到廣州,國民黨軍隊因為唔夠日軍打而撤退,喺撤退前重將佢嘅磨木房炸咗,期間一直俾日軍霸住。日軍霸佔期間,間嘢最先俾日本王子製紙日文王子製紙株式會社霸咗,改名做王子製紙廣東工場日文王子製紙広東工場おうじせいし カントンこうじょう(Ōjiseishi Kanton Kōjō))嚟出紙賺大錢。1940年,大日本帝國屬下嘅再生製紙株式會社(今日嘅日本製紙日文日本製紙株式會社)借日本陸軍軍部嘅勢力攞咗呢間工廠,重將冚唪唥嘅設備劫運到北海道苫小牧市鄉下嘅勇拂郡開工廠,重改名做國策製紙株式會社勇拂工場日文国策製紙株式会社勇払工場こくさくせいしかいしゃ ゆうふつこうじょう(Kokusaku Seishi Kaisha Yūhutsu Kōjō),今日嘅日本製紙日文日本製紙株式會社屬下嘅分公司)。最後成間製紙廠又變成廢墟。

1946年日軍投降後,嗰時嘅廠張劉寶琛同工程師陳丕揚奉命,去到日本經過好多次交涉,喺1948年11月先至攞返3721件嘅其中3625件設備返廣州,但嗰時運返去啲裝備生嗮鏽,爛融融到幾乎用唔到咁滯。期間重新搞過間工廠,但嗰時國共內戰爆發而起得太慢,直到1949年9月先至起咗30%,喺解放軍殺到兩廣一帶時,國民黨反動派重諗住將工廠啲設備劫運到海南,但俾解放軍好快搞掂咗而有得保留。

重返人民,繼續經營。[編輯]

1949年廣州戰爭結束後,工廠卒之返到人民手頭,嗰時最先改名做廣東省人民政府造紙廠;1950年改名做廣州造紙廠重俾中國共產黨嘅解放軍代表睇實,重出錢喺返海珠區燕子崗一帶重建。但嗰時中國大陸嘅經濟非常落後,從而重建進度緩慢,直到1951年2月19號先至正式投產,同年4月18號舉行咗好隆重嘅開幕典禮。隨後因為重未夠中華人民共和國成立後初期嘅大興文化教育事業而納入咗一五計劃[註 1],一期擴建工程喺1953年11月動工,直到1956年6月起好。佢將原嚟大概3公頃大嘅場地擴大到61萬m²。1956年5月29號,中國共產黨中央委員會主席毛澤東嚟過呢度睇過。1957年11月6號經中華人民共和國驗收委員會[註 2]驗收過話掂之後而開始正式投產。

大起大落[編輯]

投產之後,生產靚開始激增,從而一夜成名,成為中國大陸出新聞紙嘅重點企業之一,甚至俾嗰時過嚟睇呢間工廠啲華僑話佢做「紙城」。但好景唔長,1958年下半年因爆發大躍進運動而被受衝擊,生產線一直下降。雖然1961年實行「調整、鞏固、充實、提高」嘅八字方針後而恢復返大躍進前嘅水平,但1966年因文革爆發,工廠生產量一落千丈,1968年嘅生產量凈得1957年嘅69.09%。

改革開放後嘅飛速發展[編輯]

文革結束後,工廠開始搞二期擴建工程,甚至喺十一大三中全會開完之後,又喺1988同1996年搞咗兩期嘅技術改造。1993年9月26號,中國共產黨中央委員會總書記江澤民嚟過呢度睇過,重親自寫「努力實現我國造紙工業現代化」嘅標語。從1994年開始,工廠同香港越秀集團一齊合資經營,改名做廣州造紙有限公司。1997年10月成立咗造紙集團,重按市委市政府嘅意思而優化同組建咗產業結構同部署。1998年9月1號,公司收購咗廣州威達高實業。

踏入21世紀[編輯]

2009年,廣州地區入咗「退二進三」嘅產業結構調整工作進程。其中呢間工廠列入咗搬遷範圍。2010年亞運會開幕前,工廠搬到南沙區一帶繼續開工廠。而搬遷工程直到2012年6月先至搞掂[1],2014年3月中旬,原先海珠區原址正式清拆嗮[2],原址被改建成廣紙新城嘅樓盤用途。

註同攷[編輯]

  1. 喺中國大陸,凡係年份個位數為0或5時就改嗌一次「×五計劃」,最早從1950年開始。
  2. 呢間委員會已經重組過,而家屬中華人民共和國國家經濟貿易委員會嘅一部分。
  1. 广州造纸厂搬迁顺利完成 互聯網檔案館歸檔,歸檔日期2020年3月16號,. sina (2012-06-02)
  2. 广州造纸厂清拆完毕 进入建筑废料处理最后阶段 中國新聞網 (2014-03-14)

連出去[編輯]

出面網頁[編輯]