廣東金融學院

廣東金融學院
Guangdong University of Finance
校訓	明德　敏學　篤行　致遠
開辦	廣州：1950年3月 肇慶：1981年
類型	公立
校址	廣州校區：天河區龍眼洞迎福路527號 肇慶校區：端州區星湖石牌
網站	廣州校區：http://www.gduf.edu.cn 肇慶校區：http://bm.gduf.edu.cn

 廣東金融學院（粵拼：gwong2 dung1 gam1 jung4 hok6 jyun2） （英文：Guangdong University of Finance），簡稱廣金，係中國廣東嘅公辦普通本科學院，有兩個校區，分別喺廣州同肇慶。

其中廣州校區喺1950年3月開辦，肇慶校區喺1981年開辦。

兩個校區

• 廣州校區：廣州天河區龍眼洞迎福路527號
• 肇慶校區：肇慶端州區星湖石牌（近七星巖）

史

廣州校區

廣州校區喺1950年3月開辦，最初用中國人民銀行華南分行銀行學校嘅名喺海珠區龍潭村一帶辦學，但第二年改名做中國人民銀行廣東分行銀行學校，過咗三年又改名做中國人民銀行廣東分行幹部學校重搬到海珠區東邊嘅七星崗一帶辦學。1958年，學校改名做廣東省財政銀行幹部學校重喺三年後改名做廣東省財貿幹部學校。雖然1968年11月受破四舊浪潮影響而暫停辦學，但喺1973年7月以廣東銀行學校嘅名喺荔灣區長堤一帶恢復辦學，直到1985年4月搬到天河區龍眼洞重改名做廣州金融專科學校，七年後又改名做廣州金融高等專科學校。1995年諗住同廣東商學院（今日嘅廣東財經大學）合併，但最後未達成協議。2000年改畀廣東省教育廳睇實。從1985年開始一直係專科學校機構，直到2004年5月，學校正式升級做本科機構兼改名做廣東金融學院。2012年正式加接收港澳臺地區學生入去讀書同開通碩士等級專業，第二年正式加接收留學生。2016年正式同英國諾定咸大學合作而招收博士研究生。

肇慶校區

肇慶校區喺1981年以廣東省銀行學校嘅名嚟開辦，四年後正式轉型做廣州金融專科學校嘅肇慶校區，期間一直係專科機構學校，直到2006年正式跟廣州嗰間一齊改名做廣東金融學院重升級做本科院校機構。

出面網頁

• 廣東金融學院嘅官方網站（廣州校區）
• 廣東金融學院嘅官方網站（肇慶校區）