弦 (樂器)

呢個結他上面有六條弦。

弦（英文：string）喺音樂上係多種樂器（弦樂器）嘅重要組成部份。弦嘅功能係要喺演奏者用件樂器嗰陣振動並且發出聲，例如小提琴同結他都有明顯、由件樂器外部睇得到嘅弦^[1]。

「弦嘅振動由乜嘢引起」呢樣嘢就睇樂器種類而定。結他同豎琴係靠演奏嘅人搵手指彈啲弦嚟令啲弦出現振動嘅，而提琴同粵胡就係靠演奏嘅人用一支弓拉啲弦嚟引起振動。