拾音器

出自維基百科,自由嘅百科全書
電結他用嘅磁圈收音拾音器;左面嗰兩個係單線圈,右面嗰個係雙線圈
小提琴用嘅接觸式拾音器
裝咗外掛磁圈收音拾音器嘅民謠結他

Pickup(粵拼:pik1 ap1)[1],書面語叫拾音器,係一種裝喺樂器上面或者入面,將樂器某個發聲部位嘅震動轉成電子訊號嘅架生仔(爾種功能叫做 「拾音」[2]:2:26),按有冇內置擴音功能分被動式(即係純綷拾音,唔使插電)同主動式(即係有擴音功能,要用電芯)兩種;按操作原理主要分 「磁圈收音[1]」 同 「接觸式[3]」 兩大類,但係亦有其他設計,例如裝喺樂器入面或者上面嘅小型。有嘅電子樂器一般要有拾音器先出到聲,但係唔係電子嘅樂器,例如普通嘅小提琴或者鋼琴,亦都可以裝拾音器。

拾音器可以駁擴音機之後透過喇叭直接出聲,又或者駁混音器或者錄音卡audio interface混音錄音或者出聲。

磁圈收音[編輯]

磁圈收音嘅原理係用磁石將鋼磁化,然後用線圈感應弦震產生嘅磁場,所以淨係用鋼弦嘅樂器先可以揀用磁圈收音。

另外,如果嗰件唔係電子樂器,因為磁圈收音感應唔到件樂器嘅其他震動,佢唔會收到音板嘅震動,所以收到嘅聲一定唔會太似件樂器嘅原聲;另外,如果樂手用嘅技巧用到弦以外嘅其他部位(例如用手拍個琴身,當佢係敲擊樂器用),亦都唔會收到嗰啲聲。

雙線圈拾音器[編輯]

磁圈收音拾音器嘅線圈基本上係一條天線,所以極易受到外來電波干擾,視乎當地交流電頻率,聽出來會係 50 或者 60 嘅雜音(hum),減低雜音可以用多一個線圈,送出一個相位相反嘅訊號,等兩個相位相反嘅雜音自己滅咗自己,爾種雙線圈嘅設計叫 humbucker(意思係 「反雜音嘅嘢」)[4]

接觸式[編輯]

接觸式拾音器嘅原理係壓電效應,主要裝喺樂器嘅音板嘅某度地方,感應音板嘅震動。

個別樂器嘅考慮[編輯]

一個比較邊緣嘅情況係民謠結他;雖然佢六條都係鋼絃,但係低音嘅四條丩咗銅線,所以磁場會收得唔好,加上磁圈收音會收到一種有小小類似電結他嘅聲(所謂有 「電味」[3]:1:05),有人認為民謠結已經好少用磁圈收音[5]:187,但係其實爾種拾音器一直都仲有出同有得賣,所以其實一直都仲有人用。

[編輯]

  1. 1.0 1.1 HK Guitar Store (2019年2月22號). Pickup的迷思 - 同樣Pickup, 不同結他, 聲音一樣? (Featured: Skysonic T903, Ayers Vs Eastman). 喺2023年1月2號搵到.
  2. Pickup的迷思 - K&K Trinity Pro System (Feat. Martin OMJM). 2019年10月19號. 喺2023年1月2號搵到.
  3. 3.0 3.1 HK Guitar Store (2019年4月2號). Pickup的迷思 - Sunrise x K&K Pure Mini (Feat. Sole 613). 喺2023年1月2號搵到.
  4. Delsack, Tyler (2020年9月1號) [2017年8月22號]. "How do humbuckers work?" (美國英文). 喺2023年1月3號搵到.
  5. Hatwood, Martin (2012). Haynes Guitar Playing Manual: The comprehensive guide (英國英文). ISBN 978-0-85733-274-5.