彌敦道729號
彌敦道729號喺香港旺角，係彌敦道沿路極少數仍然存在嘅戰前唐樓。
呢幅地皮由業主黃明耀喺1928年以$7,931買入，1929年起好，曾經喺日治時期去到物業登記辦事處重新辦理註冊。大廈樓高三層，根據1903年訂立嘅《公共衛生及建築物條例》，喺1929年嗰時729號地段只可以起一楝三層高嘅唐樓。樓宇係典型嘅戰前唐樓，廣濶嘅騎樓覆蓋嗮行人路，以增加樓面面積。樓宇外貌優美，用新古典主義建築風格起，建築物正立面中間有兩條愛奧尼柱由一樓楝到上頂樓，左右兩邊就係多立克柱式。二樓兩柱之間就係一個弧形嘅露台，樓宇頂部就加上一個裝飾藝術風格嘅三角牆，牆上面刻咗「1929」顯示佢起嘅年份，建築裏面原本有嘅天花裝飾線條、拱門同木製樓梯仍然保留。