彩虹聖甲蟲

How to read a taxobox 彩虹聖甲蟲
2011 年响德州影到嘅一隻成蟲公； 公嘅彩虹聖甲蟲先有角，乸嘅冇角。
物種分類
界 動物界 Animalia 門 節足動物門 Arthropoda 綱 昆蟲綱 Insecta 目 鞘翅目 Coleoptera 科 金甲蟲 Scarabaeidae 屬 Phanaeus 種 彩虹聖甲蟲 P. vindex

彩虹聖甲蟲（粵拼：coi2 hung4 sing3 gaap3 cung4；英文：rainbow scarab；學名：Phanaeus vindex）係金甲蟲科 Phanaeus 屬下嘅一種物種。响廿一世紀初，佢哋廣泛分佈响北美洲各地，由美國東部至墨西哥，都搵得到佢哋嘅蹤影。

彩虹聖甲蟲係一種屎甲蟲：公同乸嘅成蟲會成雙成對噉行動，一對彩虹聖甲蟲「兩公婆」會夾手夾腳搵啲大型動物（例如美洲野牛）屙低嘅屎，隻乸會响啲屎下面掘窿同埋將啲屎搬入啲窿度，跟住佢就會喺啲屎裏面生蛋，啲幼蟲出咗世就會靠食屎嚟維生，幼蟲跟住仲會一路留响阿爸阿媽搵返嚟啲屎裏面，直至結蛹完嗮變咗成蟲為止；一般認為，彩虹聖甲蟲同第啲屎甲蟲一樣係益蟲，幫手清除環境入面嘅屎。

外形

睇埋：金甲蟲同兜蟲

外形上，彩虹聖甲蟲個樣好易認：

• 全身通常得嗰 1 至 2.2 cm 左右咁長，
• 對觸鬚嘅尾端成兩個黃色嘅波噉；
• 最出名嘅係外骨骼色水好鮮艷而且仲閃呤呤－同其他甲蟲一樣，彩虹聖甲蟲身體有塊硬淨嘅「外甲」包住，不過同典型金甲蟲物種唔同嘅係，彩虹聖甲蟲嘅「外甲」偏向黃黃哋綠綠哋噉色，而且仲帶有金屬光澤，唔似得其他金甲蟲噉傾向呈黑、啡或者深綠等暗淡嘅色，而呢點亦係佢哋個名（彩虹）嘅由來；
• 彩虹聖甲蟲有顯著嘅公乸異形，公嘅彩虹聖甲蟲頭度仲會生咗隻向上指嘅角。

喺 2022 年，美國哥羅拉度州嘅丹佛自然同科學博物館就將彩虹聖甲蟲描述為「好似呂宋綠寶石噉閃呤呤嘅甲蟲」。

圖庫

• 
  2011 年影到嘅一隻彩虹聖甲蟲
• 
  2021 年影到嘅一隻彩虹聖甲蟲

拎

• 維基同享中有關彩虹聖甲蟲嘅資源類
• Meet a Beautiful Beetle That Loves to Eat Poop | National Geographic，《國家地理雜誌》喺 2017 年擺上 YouTube 嘅一段片，講彩虹聖甲蟲嘅。