廣州北回歸綫標誌塔

出自維基百科,自由嘅百科全書
Jump to navigation Jump to search
從化北迴歸線標誌塔

廣州北回歸綫標誌塔係中國內地嘅10棟北回歸線標誌塔入面,最高嘅一座。佢重係世界上最高嘅北回歸線標誌塔[1]。呢座塔係由從化縣人民政府負責嚟起嘅,響1984年12月15號喐手,到咗1985年12月17號落成,1986年6月21號(夏至)開放。佢重係家陣成個地球嘅南北回歸線入面,高度最高同埋規模最大嘅一座標誌塔。[2]依家呢度係教學觀摩點同埋旅遊景點。而呢座塔係喺中國廣東省廣州市從化區太平鎮油麻埔村嘅三甲子坡地入面,所屬公園嘅門口就喺105國道嘅2512.6公里標記嗰埞。

介紹[編輯]

呢座塔嘅高度有30.25米,佔地面積28畝(1024㎡),成座塔嘅主體部分都係用咗混凝土同埋花崗石嚟整嘅,基底係好似個壇噉樣,排緊嘅地板石就好似道教嘅八卦圖噉樣。其中,塔身同埋塔基挾埋一齊有30.4米噉高,而塔身嘅高有23.5米,好似個直筆甩到嘭嘭聲嘅火箭噉樣。而塔底就好似個波噉,塔入面嘅最中間有鋪咗埐好似半隻波噉嘅花崗石,有條直徑係4cm嘅黃銅柱插咗入去最中間個位鑲嵌咗向東同埋西兩邊嘅位,而呢啲銅片就係話喺北回歸線呢笪位開始、向地球嘅東同埋西兩邊伸咗出去噉。個塔身係空心嘅。而塔頂係有隻用咗26嚿6mm嘅銅板整成嘅銅波,入面重有條不鏽鋼筒整咗條直徑120cm嘅空心圓窿嚟查下太陽直射嘅位。而棟塔嘅四周圍都有寫住東南、東北、西南、西北呢4個方向嘅翼。塔身正面重有畫住鑲金嘅「北回歸線標誌塔」呢7個大字。喺座塔嘅東、南、西、北邊都有1棟門可以畀遊客入去。

作用[編輯]

呢座塔喺每年嘅夏至日到咗正午(12點26分48秒)嗰陣,太陽就會直射入去呢隻波嘅圓窿入面,將啲光線射到去塔底嘅波面銅柱上面,喺嗰陣時,如估有人企喺塔底嘅話,係連個影都冇㗎。喺廣東天文學會嗰邊攞到嘅消息就係,廣東省係地球上起咗有北回歸線標誌塔最多嘅省份[3]

而世界最高嘅北回歸線標誌塔就係喺從化區入面[3]。而最佳睇到立竿無影嘅時間就係喺夏至嗰日嘅12點26分48秒。

交通[編輯]

自駕:

紫泉站:

  • 從化5號車、廣從4線(快)、廣從8線(快)、廣從8線(慢)、廣從1線、廣從2線、廣從9線、廣從3線、廣從10線、廣從11線(快)、廣從12線、廣從11線(慢)、廣從4線、廣從5線、廣從6線、廣從7線
  • 花都客運站—從化汽車站、從化汽車站-番禺汽車客運站、從化汽車站-番禺市橋汽車站、新塘客運站-從化汽車站

(遲啲重有家陣起緊嘅廣州地鐵14號線太平站會經過呢度)

[編輯]

  1. 北回归线标志塔简介 中國假日網
  2. 广州标志塔简介
  3. 3.0 3.1 "北回归线上"立竿无影"". 廣州日報 (用中文寫). 廣州日報. 2013-06-22. (原先內容喺2013-06-22歸檔). 喺2013-06-22搵到.