急就
急就，古文一篇，故又叫急就篇。漢時史游所寫，畀宮內做嘢嘅小童學字，識名認物，可歸入蒙童一類，至大唐仍甚為流行。急就之意，即短時間內學成，又或短時間內查出用字，兩者皆可謂速成。如此亦歸入字書一類，小學一類。史游善書法，後世臨摹佢嘅書法。唔少書法名家都寫過。急就亦有叫人急就章，至少去到隋唐時有咁嘅叫法，不過急就係篇唔係章，可謂誤叫。
急就出自漢時，事物過於古老，有啲難解，唔切合後來需要，畀後來新嘅蒙童文所取代，諸如南北朝嘅千字文、百家姓，大宋嘅三字經咁。近世就少好多人讀。大唐時顏師古同急就寫注，而大宋王應麟又加補注。
急就字數得二千字左右，字數唔多，歷代都好多抄完又抄，有碑有貼，所以保留完整，甚為難得。不過就引出諸多版本，難辨原本。咁啱近世出土文物，有漢晉木簡竹簡，發現急就喺其中。居延漢簡有前漢時版本，依啲文方便咗訂正用字。
漢許慎寫說文，序中借用咗「分別部居不雜廁」一句。此句見於開頭介紹，意謂分類來擺唔混雜之意。急就亦為至早記載石敢當嘅文獻，介紹姓氏之時，砌出「師猛虎 石敢當 所不侵 龍未央」。
大宋王應麟，一二〇八年，借名寫咗姓氏急就篇。所以唔小心就會混淆。
史
[編輯]喺急就之前，已經類似嘅書。古傳有史籀篇。秦時李斯嘅倉頡篇，趙高嘅爰歷篇，胡毋敬嘅博學篇。漢時司馬相如嘅凡將篇，李長嘅元尚篇。可惜通通都失傳，有啲只能搵到出土殘簡斷章。而急就繼承佢哋之作，又唯一成篇流傳至今。當中多得佢長短適中，啱晒抄本。亦多得一眾書法大家嘅版本，例如晉時王羲之書法本，後世唔少人臨摹。
至早提及急就，見於漢書藝文志，「急就一篇、元帝時黃門令史游作。」
史游生平所知不多，知佢經歷漢三朝皇帝。劉弗陵，謚孝昭皇帝。劉詢，謚孝宣皇帝。劉奭，謚孝元皇帝。後漢書宦者列傳第六十八，「至元帝之世，史游為黃門令，勤心納忠，有所補益。其後弘恭、石顯以佞險自進，卒有蕭、周之禍，損穢帝德焉。」亦即去到劉奭做皇帝時，先至做黃門令，又睇得出史游係好宦官，與弘恭、石顯唔同路。
而急就成篇之年，就喺劉奭時初元元年或初元二年，已為佢年老之時，尾句「長樂無極老復丁」，亦表佢已到咗叫得老嘅年紀，起碼六十。以佢資歷同身份，佢亦會訓練其下黃門做嘢。黃門要做好多記錄，物品出入，人名官名都知。急就亦為此而來。
急就所寫「師猛虎 石敢當 所不侵 龍未央」雖則全部係姓字，但成文成句，亦表當時情況同成書之年。師就係皇帝劉奭之師，蕭望之。而石就係石顯。龍就係皇帝劉奭。蕭望之畀宦官弘恭、石顯等誣告，元初二年十二月自殺而死。「師猛虎 石敢當」之句，就講蕭望之有如猛虎，而石顯敢同佢頂，而天子未受兩者有殃及。故此推斷，急就寫在蕭望之自殺之前，而喺劉奭做皇帝，史游成為黃門令之後。故此成書可能喺初元元年二年之內，亦即約莫西元前四十八年、四十七年。
後世史書講及急就，見於隋書經籍志一，「急就章一卷、漢黃門令史遊撰。急就章二卷、崔浩撰。急就章三卷、豆盧氏撰。」可見史游第一個寫急就。之後有崔浩同豆盧氏。
編排
[編輯]急就可以分成四部，起首介紹用意，跟住羅列姓氏，再羅列諸物，以頌揚漢邦收尾。
傳統將急就篇分成卅二章，一章六十三字，共二千零一十六字。章名冠以第一第二第三咁。不過佢係第一到第六，中間夾漏畧章，再第七到第卅一。後漢時加多卅二同卅三，六十四字一章，就唔係史游原文，變咗卅四章，二千一百四十四字。
第一前卅九字，為介紹用意，餘下就介紹姓氏用字。介紹七字一句，押志韻，由「急就奇觚與眾異」，去到「勉力務之必有憙」，再加「請道其章」。
第一後半，第二、三、四、五、六，以及漏畧，全部都以姓字砌成文句，三字一句，六字一組，每組尾都押韻。由於一章六十三字，六字一組會有時跨過章尾章頭。開頭「宋延年 鄭子方」。一直咁列，漏畧去到尾，寫「姓字識 言諸物」，就結束姓字，轉為講諸物。
第七到卅章，介紹諸物名，全部七字一句，七字尾全部有押韻。可以分兩部分，第七一直至第廿四近尾，去到「諸物盡出五官出」，就介紹物名。第廿四尾句去到第卅尾，就為官用字。
第卅一章為收尾，頌揚漢邦。四字一句，八字一組，組尾押韻，一共五十六字。餘下七字為「長樂無極老復丁」做結尾，都照押韻。
大清時，四庫全書總目提要話急就「其書自始至終無一複字」，唔合事實，至多可以話姓字之中無重複。事實全篇有啲複字，故此余嘉錫四庫提要辨證，「提要所謂無一複字者，真如未讀其書也。」
簡
[編輯]漢時仍廣用竹簡木簡，一支一支咁書寫。故此至可能為廿一字一簡，咁三簡為一章，一共九十六簡。九十六簡以線編埋一齊，就叫篇。故此急就為篇。
漢時練習用嘅木片竹片，叫柧，長二尺四寸。而急就採用七言同三言，咁一柧寫廿一字就啱啱好。三柧六十三字就成一章。咁方便教導同學習。
用意
[編輯]急就用意，見於第一章開頭卅九字。
急就奇觚與眾異 羅列諸物名姓字 分別部居不雜廁
用日約少誠快意 勉力務之必有憙 請道成章
史游為黃門令，已經年紀相當大，掌管後宮一眾黃門。黃門就係啲細路自幼剦咗入宮做事。由於事務繁多，佢哋要學曉人事同種種物名。咁史游以佢經驗，寫咗急就，畀啲細嘅背讀背寫，咁就叫急就。另一方面，佢分門別類，亦方便忘字時查閱，故此寫出「分別部居不雜廁」。
姓字
[編輯]急就所記姓字，多數為一字，亦有少少二字，自第一後半記到漏畧。一共三百九十五姓。二字姓有五個，令狐、未央、公孫、安期以及司馬。
押韻字以粗字表示。
第一
[編輯]宋延年 鄭子方 衞益壽 史步昌 周千秋 趙孺卿 爰展世 高辟兵
姓氏有宋、延、年、鄭、子、方、衞、益、壽、史、步、昌、周、千、秋、趙、孺、卿、爰、展、世、高、辟以及兵。
第二
[編輯]鄧萬歲 秦眇房 郝利親 馮晉彊 戴護郡 景君明 董奉德
桓賢良 任逢時 侯仲郎 由廣國 榮惠常 烏承祿 令狐橫
朱交便 孔何傷 師猛虎 石敢當 所不侵 龍未央 伊嬰齊
姓氏有鄧、萬、歲、秦、眇、房、郝、利、親、馮、晉、彊、戴、護、郡、景、君、明、董、奉、德、桓、賢、良、任、逢、時、侯、仲、郎、由、廣、國、榮、惠、常、烏、承、祿、令狐、橫、朱、交、便、孔、何、傷、師、猛、虎、石、敢、當、所、不、侵、龍、未央、伊、嬰以及齊。
第三
[編輯]翟回慶 畢稺季 昭小兄 柳堯舜 樂禹湯 淳于登 費通光
柘恩舒 路正揚 霍聖宮 顏文章 筦財智 偏呂張 魯蕳憙
灌宜王 程忠信 吳中皇 許終古 賈友倉 陳元始 韓魏唐
姓氏有翟、回、慶、畢、稺、季、昭、小、兄、柳、堯、舜、樂、禹、湯、淳于、登、費、通、光、柘、恩、舒、路、正、揚、霍、聖、宮、顏、文、章、筦、財、智、偏、呂、張、魯、蕳、憙、灌、宜、王、程、忠、信、吳、中、皇、許、終、古、賈、友、倉、陳、元、始、韓、魏以及唐。
第四
[編輯]掖容調 柏杜楊 曹富貴 尹李桑 蕭彭祖 屈宗談 樊愛昆
崔孝襄 姚濁賜 燕楚莊 薛滕客 聶干將 求男弟 過說長
祝恭敬 審毋坊 龐賞贛 斄士梁 成博好 范建羌 閻驩喜
姓氏有掖、容、調、柏、杜、楊、曹、富、貴、尹、李、桑、蕭、彭、祖、屈、宗、談、樊、愛、昆、崔、孝、襄、姚、濁、賜、燕、楚、莊、薛、滕、客、聶、干、將、求、男、弟、過、說、長、祝、恭、敬、審、毋、坊、龐、賞、贛、斄、士、梁、成、博、好、范、建、羌、閻、驩以及喜。
按康熙字典，「又【韻會小補】叶徒黃切，音唐。【急就章】曹富貴，李尹桑。蕭彭祖，屈宗談。」亦即談氏要讀唐，咁就同急就韻腳一致。
第五
[編輯]寧可忘 苟貞夫 茅涉臧 田細兒 謝內黃 柴桂林 溫直衡
奚蟜叔 邴勝相 雍弘敞 劉若芳 毛遺羽 馬牛羊 尚次倩
丘則剛 陰賓上 翠苑英 庶霸遂 萭段鄉 泠幼功 武初岡
姓氏有寧、可、忘、苟、貞、夫、茅、涉、臧、田、細、兒、謝、內、黃、柴、桂、林、溫、直、衡、奚、蟜、叔、邴、勝、相、雍、弘、敞、劉、若、芳、毛、遺、羽、馬、牛、羊、尚、次、倩、丘、則、剛、陰、賓、上、翠、苑、英、庶、霸、遂、萭、段、鄉、泠、幼、功、武、初以及岡。
按，寧字之丁，原本係一。現時統一碼所無，打唔出來，
第六
[編輯]褚四池 蘭偉防 減罷軍 橋竇陽 原輔福 宣棄奴 殷滿息
充申屠 交脩俠 公孫都 慈仁佗 郭破胡 虞尊偃 憲義渠
蔡游威 左地餘 譚平定 孟伯徐 葛咸軻 敦錡蘇 耿潘扈
姓氏有褚、四、池、蘭、偉、防、減、罷、軍、橋、竇、陽、原、輔、福、宣、棄、奴、殷、滿、息、充、申、屠、交、脩、俠、公孫、都、慈、仁、佗、郭、破、胡、虞、尊、偃、憲、義、渠、蔡、游、威、左、地、餘、譚、平、定、孟、伯、徐、葛、咸、軻、敦、錡、蘇、耿、潘以及扈。
漏畧
[編輯]焦戚胡 晏奇能 邢麗奢 邵守實 宰安期 傅郤散 代焉于
司馬襃 䣊自於 陶熊羆 解莫如 樂欣偕 童扶疎 痛無忌
向夷吾 閎并沂 竺諫朝 續增紀 迷失除 姓字識 言諸物
姓氏有焦、戚、胡、晏、奇、能、邢、麗、奢、邵、守、實、宰、安期、傅、郤、散、代、焉、于、司馬、襃、䣊、自、於、陶、熊、羆、解、莫、如、樂、欣、偕、童、扶、疎、痛、無、忌、向、夷、吾、閎、并、沂、竺、諫、朝、續、增、紀、迷、失、除、姓、字、識、言、諸以及物。
書法
[編輯]史游寫急就，本身就係書法藝術。大唐張懷瓘喺書斷寫，「章草者漢黃門令史游所作也。」亦即話，章草係史游所創。
所知有名書法家嘅版本有唔少，如三國時魏嘅鍾繇、吳嘅皇象。晉嘅王羲之、衞夫人、大元嘅鄧文原、趙孟頫、康里巎巎、俞和、饒介，以及大明宋克。