石敢當
石敢當，亦名泰山石敢當，神位一種，碑一種，樹喺風水衝煞之處，以擋災禍。衝煞尤其直路衝正，風水大忌，好似車煞唔切掣撞埋來咁，要用泰山之石擋落來。趙古農《石敢當論》載「粵人信形家言，路當衢者有煞，謂泰山之石，尚敢當之。」亦有擋水衝煞，置喺橋邊。有啲好靈嘅，會起廟宇。
各處鄉村各處例，唔同地方款唔同。有啲立碑，刻上石敢當，泰山石敢當。有啲碑嵌入牆身，有啲只有木牌，有啲雕獅頭虎頭，有啲甚至化成人像。
石敢當之信仰，猶為古老，擋煞避災，自古有之，然其起源紛紜。「石敢當」之字，早見西漢史游《急就章》，「師猛虎，石敢當，所不侵，龍未央」。《全唐詩》莆田石記「石敢當，鎮百鬼，壓災殃。官吏福，百姓康。風教盛，禮樂昌。」大元陶宗儀《南村輟耕錄》中載，「今人家正門適當巷陌橋道之衝，則立一小石將軍，或植一小石碑，鐫其上曰石敢當，以厭禳之」。
廣東地方，過節會拜佢，有病亦會拜佢。《石敢當論》「往往於𡻕時八節，以香燭禮之。或家有疪癘天札者，較向虔禱，愈則酎之。」
同泰山石敢當類似，「喃嘸阿彌陀佛」碑，立喺衝煞位，尤其交通意外，撞死人之處，以求超度枉死孤魂，祈求地方平安。
香港亦有「李廣將軍在此」碑，大埔公路近美援新村[1]，作用同泰山石敢當似。
立碑
[編輯]《魯班經》有講點立碑法。「泰山石敢當，高四尺八寸、闊一尺二寸、厚四寸、埋入土八寸。凡鑿石敢當，須擇冬日後，甲辰、丙辰、戊辰、庚辰、壬辰，甲寅、丙寅、戊寅、庚寅、壬寅，此十日乃龍虎日，用之吉至。除夜用生肉三片祭之，新正寅時，立於門首，莫與外人見。凡有巷道來沖者，用此石敢當。」
即係話要喺冬至之後當中十日，辰嘅龍日，寅嘅虎日，先至來鑿。除夕夜用三片生豬肉祭佢。新正頭年初一，先至樹立，於喺衝煞位。
各地
[編輯]香港
[編輯]香港有石敢當地方，多數喺新界。
- 大埔公路大圍段，大圍美林邨近城門河橋口[2]。
- 元朗錦田水頭村[2]
- 元朗錦田水頭村一百七十一號屋外牆[2]
- 大埔靖遠街三十五號唐樓地下[2][1]
- 粉嶺龍躍頭文物徑[1]
- 粉嶺丹竹坑村[1]
- 上水金錢村第五巷一號屋，上下樓外牆。石敢當連鏡[2]
澳門
[編輯]相
[編輯]-
-
澳門某處泰山石敢當 -
日本波照間島石敢當
流行文化
[編輯]攷
[編輯]- ↑ 1.0 1.1 1.2 1.3 〈大搜查：不列歷史評級 石敢當乏保育〉。
- ↑ 2.0 2.1 2.2 2.3 2.4 〈香港的「泰山石敢當」〉。
- ↑ 〈石敢當行臺〉。
- ↑ 〈澳門新橋 石敢當誕〉。