惡報

惡報原本係佛教術語，引申喺某啲地方（特別係社會兩極化嚴重嘅地方），有啲人睇到一啲同自己政治立場唔同嘅人遭遇不幸嘅時候，會指對方係遭受報應、惡報。近年，有啲學者就開始將報應視為一個同社會兩極化、詛咒有關嘅政治概念。

例子

香港

内文：香港親中派同政府遭受報應嘅觀點

• 由2014年雨遮革命開始，香港社會兩極化，走入「黃藍對決」時代，由於親中建制派同香港政府公務員（特別係香港警察）嘅行徑遭受極大嘅爭議（例如執法期間打人、亂咁攻擊政見唔同嘅人），所以面對一啲關於嘅佢哋不幸新聞嘅時候，有一啲非建制派（由泛民主派、抗爭派、香港本土派、自決派組成）聲音就會認為佢哋遭受報應（修憲派稱之為「皇天擊殺」），歡迎事件嘅發生。其中，激進親中派成員李偲嫣因為感染武漢肺炎離世，網民嘅反應，更加成為一啲學者研究呢個現象嘅案例。

台灣

• 民進黨立委高嘉瑜喺2020年11月被踢爆坐擁兩座物業後，形象受到影響。由於佢本身喺民進黨內人緣唔太好，民進黨有啲支持者亦唔鍾意佢，有網民就覺得呢次係佢踩住人哋上位嘅報應。

美國

• 喺武漢肺炎美國疫情期間，美國總統當勞侵亦成為咗患者之一，有啲人就認為係佢嘅報應，令之前睇小疫情嘅佢改變態度。