惡靈勢力

《惡靈勢力》（英文：Left 4 Dead），中國大陸嗌求生之路（民間）或生死4人組（官方），係喺2008年11月17號出嘅一隻恐怖生存第一身射擊遊戲。喺呢隻遊戲入面，玩家要一齊合作，用槍嚟對付進犯嘅大羣喪屍。

技術

呢隻遊戲相當出名，因為佢創始咗人工智能主管（AI Director）嘅諗頭：隻遊戲嘅程式有一個所謂嘅人工智能主管，個主管會掌控「喪屍幾時同喺邊出現」（喪屍出現嘅位置永遠唔會喺玩家嘅視線之內）同「武器會喺乜嘢位置搵到」等嘅嘢，用程序生成（procedural generation）嘅做法確保呢啲變數次次玩隻遊戲嗰陣都有啲唔同，而且呢啲變數仲會受到玩家嘅表現（以「玩家消耗咗幾多資源」等嘅變數衡量）調整。