慈山寺

出自維基百科,自由嘅百科全書
Jump to navigation Jump to search
慈山寺大門

慈山寺粵拼ci4 san1 zi2英文Tsz Shan Monastery)係香港佛教修道寺院,喺大埔洞梓。曾獲香港富商李嘉誠捐款與建,二〇一四年落成,北靠山,南近海。入面有座好高觀音像,喺黃嶺山腳底,色白垂頭,大埔海船灣對岸都望到佢。交通要靠大埔東面汀角路、經洞梓路,再由專屬普門路入。現時一週只對外開六日,禮拜一閉寺靜修,兼且要早早預約先可以到臨。

二〇一九年,觀音像下,加設慈山寺佛教藝術博物館

屋宇[編輯]

慈山寺所有屋宇,皆由鋼筋石屎建造,石屎以非洲紫檀木包實,外觀好似木造咁。美觀之餘亦防火。

慈山寺以山門彌勒殿同埋大雄寶殿為軸線,南低北高,層層推上。南端為一臺,可遠觀山海之景。臺北階梯,直達山門。

山門右行有講廳,有地藏殿五經堂等。彌勒殿左右有鐘樓鼓樓。大雄寶殿前,左邊有藏經閣,右邊有普門。普門殿後有觀音像,像下有慈山寺佛教藝術博物館。

山門[編輯]

山門之外,門上掛咗個扁,寫咗「入解脫門」。一左一右,有青銅鑄金剛力士,俗名哼哈二將,守喺山門。合口者為哼,口形,密跡金剛力士,守喺左邊。開口者為哈,即口形,那羅延堅固王,守喺右邊。

山門之內,門上掛咗個扁,寫咗「不二法門」。

出面網頁[編輯]

座標: 22°28′27″N 114°12′20″E / 22.474203°N 114.205577°E / 22.474203; 114.205577