應用教育文憑

應用教育文憑（英文：Diploma of Applied Education）係香港政府喺2023/24學年起推出嘅課程，取代舊有嘅毅進文憑。課程設計目標係為中六離校生，或已經年滿21歲嘅香港居民，提升知識、發展同培育唔同技能同養成良好嘅品德同態度，讓畢業學員從全人發展中為社會帶嚟正面影響，完成課程嘅學員會獲得相當於香港中學文憑考試五科二級（包括中國語文同英國語文科）嘅學歷。

課程目標

鼓勵學員終身學習，課程多元化嘅組合適切配合學員嘅個人需要同技能發展；
為學員提供另一學習途徑，讓學員取得就業同進修所需嘅正式學歷；
回應社會需要，協助學員掌握各種現今世代所需要嘅技能，使學員能夠喺各方面建立穩固嘅基礎，以投身社會工作；
加強學員嘅學習動機，培養學員嘅自學能力，讓學員可以獨立繼續進修。

課程結構同修讀模式

學時：	共600學時
修讀組合：	3科必修科目 + 2科補充科目 + 3個選修科目（共600學時）或 3科必修科目 + 5科補充科目（共600學時）
必修科目：	中國語文（120學時）英國語文（120學時）數學（60學時）
補充科目：	生涯規劃（60學時）數碼公民（60學時）人際傳意與個人發展（60學時）延伸數學（60學時）科技創新技能（60學時）
選修科目：	同學需修讀一個選修群組（共180學時嘅三科選修科目，各科60學時）各式各樣嘅選修科目由院校各自發展，內容以實用為主，範圍廣泛，以迎合學員唔同嘅興趣同性向。學員必須選擇修讀院校提供嘅其中一個選修科目群組（當中包含三個各60學時嘅選修科目）。
選修科目：	全日制或兼讀制
修讀年期：	全日制：一年兼讀制：一般可以喺兩年內完成
畢業要求同頒發應用教育文憑嘅安排：	所有全日制同兼讀制嘅學員都要喺所須科目分別取得整體評核及格，並喺每個科目嘅出席率達最少80%，先至符合畢業要求，可以獲發應用教育文憑。全日制：學員一定要喺同一間院校完成所有科目，先至會獲發文憑。兼讀制：學員可以報讀唔同院校提供嘅必須科目，並喺修畢每一科目後可以獲發成績單同修業證明。喺首次報讀選修科目時，學員必須選擇其中一間院校提供嘅其中一個選修科目群組同補充科目組合，而唔能夠自行組合唔同選修群組中嘅選修科目同補充科目組合嚟修讀。學員完成整個課程後，可以獲修讀時數最多嘅院校頒授應用教育文憑。全日制同兼讀制學員都必需喺修讀期間內參加至少10個鐘由自資高等教育聯盟認可同舉辦嘅全方位學習活動。
重修安排：	學員如果喺個別科目未能夠取得及格嘅成績，可以兼讀制形式重新修讀嗰科，以達致畢業要求。無論喺全日制或兼讀制學員必須喺首次入讀課程起計四年內完成所有科目，否則唔會獲發應用教育文憑。

上課模式

應用教育文憑課程強調主動同互動學習，除咗面授課堂之外，個別選修科目亦會採用實地考察同參觀等學習模式。除咗英國語文科之外，所有應用教育文憑課程都會以粵語為授課語言同主要以中文編寫教材。部份選修科目會使用以英文編寫嘅教材同以英文作評核。

考核方法

應用教育文憑課程嘅主要評核方法包括：習作、考試、出席率。

開辦課程院校

出面網頁