扭計骰
扭計骰（Rubik's Cube，中國大陸叫魔方）係種益智機械玩具，1974年由匈牙利建築學教授同雕塑家魯比克（Ernő Rubik）發明。全世界賣咗三億幾粒，1980年代最興，到而家都好多人玩。
粒骰係個三層立方，由26個粒立方仔同埋一個三維十字軸砌成。其中6粒中心，12粒邊同8隻角。
起源[編輯]
最早嘅扭計骰係魯比克教授發明嘅，但是並唔係為咗投入生產同娛樂。因為佢係建築學同埋雕塑學教授，所以佢自己動手做出第一個扭計骰嘅雛形來幫助學生認識空間立方體嘅組成同埋結構。響佢完成第一個作品之後，轉咗幾下，發現原本齊整嘅扭計骰竟然好難恢復，於是佢意識到呢個新嘅發明會好唔簡單。但佢估不到呢個邊長唔夠6公分嘅玩具竟然會響未來風靡全球，甚至出現咗以扭計骰為道具嘅運動。
類別[編輯]
扭計骰嘅類型有好多款，三層立方（3×3×3）嘅最普遍。
三層[編輯]
係最普遍嘅扭計骰，當初魯比克博士一開頭發明嘅就係三階。
二層[編輯]
- 內文： 兩層扭計骰
喺正方體嘅扭計骰入面，佢係最易扭嘅。學識三階就會自然識。
四層[編輯]
- 內文： 四層扭計骰
難過三層，還原世界紀錄係四十幾秒。還原法同三層嘅大同小異，要識扭中心同應付啲特別情況。
五層[編輯]
- 內文： 五層扭計骰
層階或以上嘅扭計骰同四階差唔多，所以學咗四階，扭五階就好易。
六層[編輯]
六階而家有得買，不過大舊，易散。
七層[編輯]
七層都有得買，方塊本身係圓弧型，因為再用正方體設計會散。
原因：http://www.davidguo.idv.tw/Cube/why77sphere.htm
家陣已經有賣十一層嘅扭計骰。
還原法[編輯]
1980年代已經出現好多普及嘅還原方法，其中出名嘅有呢幾種：
- 逐層砌（Layer By Layer，LBL），最易學。
- CFOP，基於 LBL，但係步數少 LBL 好多，要背多好多式。
