指控中國共產黨係漢奸嘅觀點

出自維基百科,自由嘅百科全書
跳去導覽 跳去搵嘢

中國共產黨政府不時會針對一啲異見或者民主運動人士(包括香港、中國內地等地),話佢哋係漢奸。但有啲人就會引用歷史事件或者其他觀點(例如中國同俄羅斯或者蘇聯嘅關係)反駁,話真正嘅漢奸其實係中國共產黨,或者係中共嘅一啲領導人物。

部分呢啲說法嘅例子[編輯]

  • 洪博學曾經喺2018年撰寫文章,指當國民黨同共產黨政府都向人民灌輸「汪精衛係漢奸」論點嘅時候,其實毛澤東當初就係得到汪精衛提拔,先至可以搭上當時日本外交部喺中國嘅特務機構,從而進行「聯日反」嘅行動,而毛澤東本人亦一直稱呼汪精衛做老師,之後又建立中華蘇維埃共和國政權做當時蘇聯嘅附庸,加上共產黨喺八年抗戰嘅時候出力遠比國民黨嘅軍隊少,所以其實毛澤東本人先至係漢奸[1]
  • 時事評論員門禮瞰曾經公開指責江澤民,話佢夾埋斷送100多萬平方公里土地俾日本同蘇聯,係日本漢奸、蘇聯間諜[2][3]。另外,佢亦質疑毛澤東喺八年抗戰之後,就要求日本作戰爭賠償嘅問題過於寬容,甚至多謝日本發動侵華戰爭,咁樣先令中共強大,話毛澤東係最大嘅漢奸[4]
  • 喺2021年12月,香港保安局局長鄧炳強指控因為推動民主運動而被逼流亡嘅前香港立法會議員羅冠聰係漢奸,時事評論員黃世澤就反駁其實中共先係中國歷史上最大嘅漢奸,當中提及毛澤東成立中華蘇維埃共和國,甚至鈔票印列寧像,而佢同江澤民都有送地俾俄國人。佢又話,林鄭月娥同鄧炳強先至係效命緊一個漢奸政權[5]
  • 2022年4月,中國外交部主動表明放棄海嵾崴地區同外興安嶺土地嘅主權俾俄羅斯,時事評論員黃世澤就揶揄,中國做緊俄羅斯契弟,反而要追九龍半島嘅主權,擺明係出賣中華民族利益,所謂中共民族主義,只不過係假貨[6]

睇埋[編輯]

參考[編輯]

  1. "【民報】漢奸打造的國度". www.peoplenews.tw (中文). 2018-02-28. 原著喺2021-12-08歸檔. 喺2021-12-08搵到.
  2. 門禮瞰 (2017-04-30). "當代最大的賣國賊 千古罪人!(圖) - 談古論今 - 門禮瞰". 看中國 (中文). 喺2021-12-08搵到.
  3. "歷史為證:中國共產黨是最大的漢奸 | 夏小強的世界 xiaxiaoqiang.net". 夏小強的世界 (中文). 2021-10-26. 喺2021-12-08搵到.
  4. "曾慶紅的爹:毛主席是最大的漢奸". 阿波羅新聞網 (中文). 2018-11-04. 喺2021-12-08搵到.
  5. 鄧炳強亂扣羅冠聰漢奸帽子 中共成立蘇維埃並且銀紙印列寧頭像 毛澤東比汪精衛更似漢奸 林鄭月娥、中共都屬Quisling 黃世澤幾分鐘評論 20211208 (英文), 喺2021-12-08搵到
  6. 俄國擺明用欺騙手段攞到大清帝國名下海嵾崴同外興安嶺土地 中國依家要追九龍半島唔追海嵾崴擺明係出賣中華民族利益 中共民族主義純粹假貨 黃世澤幾分鐘評論 20220412 (英文), 喺2022-04-13搵到