接觸

接觸，日名ふれあい，日文歌一支，中村雅俊一曲，可謂佢初出道歌。支曲一九七四年，即昭和卌九年，七月一號發行。同年十月廿五號，同名唱片發行。支曲上過日本流行榜首位，總計張數，賣咗一百二十六萬五千 。

歌出自佢主演電視片集。翻唱不絕，廣東話版本好多。

來源

本身出自電視片集插曲，青春學園一類。片中太陽學園，佢演欖球教練沖田先生，同學生交流成長。寄宿之處露臺，自彈自唱支歌。同戲之中，另有一曲青春貴族，營火一幕彈唱。就放喺唱片另一面。原本青春貴族放唱片正面，檢討後接觸放正面 。

之後松竹拍戲，以接觸為名，中村主演兼唱。

意

日文名本意觸同合，指兩方接觸，互惠互動，人與人情緒相通。尤其話年紀唔同，職業唔同咁。日本戰後經濟繁榮，由大家庭轉成細家庭，人間變得個人孤單，因而衍生出咁嘅講法。歌詞反覆講人唔能獨活。

版本

廣東話版本好多，有華娃唱不能換不能代，有馮偉棠唱流浪在遠方，有黃愷欣唱何處覓清風，有夏妙然唱前事錄了影，有劉漢樂唱長途電話，同埋近廿年後有關淑怡唱一首獨唱的歌。

日本都有翻唱，有柏原芳惠，有壯一凡，有高橋真梨子咁。電影大日本人，就用支曲做插曲，菅田將暉同知英唱。