新苗超級市場
 |
| 英文：San Miu Supermarket Limited 葡文：Supermercado San Miu Limitada | |
 | |
| 類型 | 有限公司 |
|---|---|
| 開檔 | 1990年 |
| 總部地址 |  澳門永華街37-53號僑光工業大廈九樓D座 |
| 業務地區 | 澳門特別行政區 |
| 緊要人物 | 許自勵 莊美容 |
| 產業 | 超級市場 |
| 年營業額 | 澳門幣 5億幾 |
| 員工人數 | 400幾名 |
| 母公司 | 牛奶國際 |
| 子公司 | 新苗貿易公司 大地貿易公司 |
| 網址 | 新苗超級市場網頁 |
新苗超級市場（英文：San Miu Supermarket Limited，葡文：Supermercado San Miu Limitada），又叫新苗超市，係澳門其中一間大型連鎖超級市場，兼營運出入口貿易同商品批發嘅有限公司，由牛奶公司管理。總部喺永華街37-53號僑光工業大廈九樓D座。截至2020年12月31號，新苗超市有20間分店，400幾位員工。
歷史
[編輯]新苗超級市場喺1990年創立，係澳門第一間有規模嘅大型超級市場，由澳門福建總商會創會會長、福建省政協委員許自勵同佢太太莊美容創立。
澳門經濟喺1997年金融風暴下滑。好多澳門人當時貪平北上珠海買嘢，令澳門市面一片冷清、蕭條。但係許自勵堅持繼續開分店，又話呢個係商機。當時超市有句口號係「平過拱北，薄利多銷」嚟吸引客人。短短幾年時間，「新苗」分店已經遍佈澳門多處，包括澳門半島同氹仔。
業務
[編輯]依家新苗超市每年營業額超過5億澳門元。另外，有5萬呎總貨倉、一間西餅麵包製造廠同一間禽蛋廠。
屬下公司有新苗同大地兩間貿易公司，負責公司商品出入口同批發等業務運作。廣東省中山同珠海設置辦事處，協助公司喺中國內地業務運作。
2015年3月25號，香港牛奶國際宣佈已完成收購澳門新苗超市有限公司。
會員
[編輯]凡喺任何分店買滿Mop$200都可以申請會員卡，呢張卡可以用嚟儲分。
爭議
[編輯]澳門電子消費卡推出之後，多間超級市場都有抬高價格情況，其中有居民話石排灣新苗超級市場買一包米，標價116.9蚊，用消費卡找數之後，被對方收取139.9蚊，當事人隨即同超市職員理論，最後至退返23蚊畀佢。