新資訊

出自維基百科,自由嘅百科全書
跳去導覽 跳去搵嘢
新巴雙層巴士上層嘅前新資訊熒幕

新資訊FirsTVision)係以前香港新創建集團旗下媒體銷售業務嘅分支機構,係裝設喺新巴巴士嘅流動多媒體資訊系統,後來俾路訊通吞併。

[編輯]

新資訊嘅前身係M Channel(前港交所上市編號:8036),喺2001年成立,係東方魅力旗下業務,以抗衡當時成立冇耐嘅路訊通。2003年4月1號,新創建集團接手新巴巴士嘅M Channel業務,並改名為新資訊。

新資訊嘅業務因為只局限喺新巴,鬥唔過路訊通,加上新創建集團收購咗用路訊通嘅城巴,因此新創建亦冇打算再搞新資訊。自2006年1月9號至2007年12月30號,新資訊播放嘅節目幾乎都係由路訊通製作及提供,而根據路訊通2005年度全年業績報告內嘅「業務回顧」一欄中指出,新巴所裝設嘅流動媒體系統已經俾路訊通收購,所以除咗「新資訊」牌子被保留之外,成個系統實際上已經由路訊通全權營運,包括廣告銷售業務等。

2007年12月31號開始,「新資訊」牌子正式被撤銷,而新巴亦喺2008年元旦正式開始將車上嘅新資訊標誌換上路訊通標誌。