書坊街

書坊街改造後嘅北牌坊

書坊街（粵拼：syu1 fong1 gaai1）；第個名係學院前（hok6 jyun2 cin4），佢係廣東省廣州市嘅其中一條街，喺越秀區嘅惠福東路同大南路之間嘅位。據話1960年代，呢度經有賣觀賞魚嘅檔口，喺20世紀八、九十年代係廣州無人不知、無人不曉嘅金魚街，同高第街一樣出名。芳村觀賞魚市場未搞起陣，呢度係廣州觀賞魚及用品用具嘅主要街市，北方及東南亞嘅商販都來過呢度入貨。最旺陣100米左右嘅小巷中有數十家做觀賞魚及用品生意嘅鋪頭，行人都要側身先至行到。 2010年越秀區政府以迎亞運改造街區為由，清拆咗書坊街，盛極一時嘅金魚街咁就冇咗。

名

其實呢條街係因為呢度之前有好多書坊響度先至改咗噉嘅名。

所謂「書坊」

舊時所講嘅「書坊」，而家嚟講就係「出版社」噉解。喺清朝嘅雍正時期，因為呢條街嘅南邊係一間提督學院，嗰度成日都係睺住成個兩廣地區教育嘅最高衙門。而嗰時，呢度成日印同科舉考試有關嘅書，重有唔同類嘅經、史、子、集啲書都有，所以文人就成日嚟呢度。結果，「書坊」嘅名就係噉嚟。清末、民國間，係出咗名嘅印書、印刷集散地頭。

現狀

2010年越秀區打算清拆金魚街，重新打造成有粵劇戲臺、各類園林景觀同經營廣府美食、廣州特色紀念品為主嘅粵文化街，工程投資700萬。到2013年陣書坊街度兩側經係亞運整飾起過嘅吉屋 ，起好一路到宜家仲係成條街丟空，相當冷清，唔知想搞成乜鬼樣。

攷

• 古街巷名藏着吉祥谐音也藏着一段段历史“古仔” 新快报 2013年2月1號 A27版
• 【从西关海出发】再次去书坊街。 居天下 业主论坛