曾係唐人嘅姓氏，係百家姓之一。
當今中國大陸姓氏中排名第 32，喺台灣排 16。
曾氏主要嘅歷史聚居地有魯國，廬陵，武城，長沙，扶風，冀州，青州，吉陽，南豐，韶州，虔州，交州，會稽，蜀郡，豫章，吳郡，河內，南陽，江夏，襄陽，寧化，長樂，梅縣，平遠，鎮平，五華，龍川，惠州，河源，和平，廣州，新寧等。 據統計，而家曾氏約佔中國大陸漢族人口 0.49%，大約有 600 多萬，尤其以湖南、四川、廣東、江西、湖北、福建呢啲省為多。海外分布多喺新加坡、馬來西亞、泰國、印度尼西亞、菲律賓呢啲國家。
