木雕

木雕（粵拼：muk6 diu1；英文：wood carving）係種雕塑，顧名思義指用木做材料造嘅雕塑。

特性

由於木頭質地比較軟，所以木雕比起用石頭同金屬整嘅雕刻普及啲，不過襟擺程度亦同時無咁好，容易腐爛、蟲蛀或者畀火燒毀。

歷史

木雕係一種極古老嘅工藝：有考古學家試過舊石器時代嘅遺跡當中搵到受人雕琢過嘅木造物件，而呢啲物件歷史有成超過 400,000 年咁耐^[1]；亦有考古學家喺公元前 4,000 年前嘅古埃及遺跡裏面發現（差唔多爛嗮嘅）木雕^[2]，而東亞同非洲等地都有歷史悠久嘅木雕傳統。不過雖然話木雕咁古老，木雕作品多數都留存唔到去後世－因為同石雕或者金屬雕比起嚟，傳統嘅木雕係非常之唔襟擺嘅，會腐爛、會受昆蟲破壞、又容易著火。因為噉，木雕就俾一啲雕塑學者稱之為「藝術史上嘅隱藏元素」－木雕技藝廣為流傳，而且相當受歡迎，不過啲作品成日都留唔低，搞到現世嘅藝術史學者難以研究同了解古代嘅木雕藝術^[3]^[4]。

相集

上海博物館展出嘅一個宋朝木雕聖觀音
17 世紀日本一個木造鬼面具
2015 年一件木雕作品
潮州金漆木雕係潮汕地區一種出名傳統工藝^[5]。

睇埋

木刻畫

攷

↑ Allington-Jones, L. (2015). The Clacton spear: The last one hundred years. Archaeological Journal, 172(2), 273-296.
↑ Crallan, Franklyn Arden (1911). "Wood-Carving". In Chisholm, Hugh (ed.). Encyclopædia Britannica. 28 (11th ed.). Cambridge University Press. pp. 791–97.
↑ See for example Martin Robertson, A shorter history of Greek art, p. 9, Cambridge University Press, 1981.
↑ Cunningham, A. B., Campbell, B. M., Belcher, B., & Belcher, B. M. (Eds.). (2005). Carving out a future: Forests, livelihoods and the international woodcarving trade. Earthscan.
↑ 王大勇. (2011). 潮州木雕藝術地域特色探究. 裝飾, (5), 84-85.

[1] Allington-Jones, L. (2015). The Clacton spear: The last one hundred years. Archaeological Journal, 172(2), 273-296.

[crallan1911-2] Crallan, Franklyn Arden (1911). "Wood-Carving". In Chisholm, Hugh (ed.). Encyclopædia Britannica. 28 (11th ed.). Cambridge University Press. pp. 791–97.

[3] See for example Martin Robertson, A shorter history of Greek art, p. 9, Cambridge University Press, 1981.

[4] Cunningham, A. B., Campbell, B. M., Belcher, B., & Belcher, B. M. (Eds.). (2005). Carving out a future: Forests, livelihoods and the international woodcarving trade. Earthscan.

[5] 王大勇. (2011). 潮州木雕藝術地域特色探究. 裝飾, (5), 84-85.

[1]

[2]

[3]

[4]

[5]