李蘊

出自維基百科,自由嘅百科全書
Jump to navigation Jump to search

李蘊Renee1991年7月27號—),13歲正式加入樂壇,係香港樂隊Cream嘅其中一名成員,舞蹈組合Loving Girls嘅隊長同埋原本打算喺2007年正式加入樂壇Ice Band嘅鼓手。

李蘊喺商場舉辦嘅歌唱比賽攞第四,俾現任經理人Peter Chiu睇中簽約成為輝皇娛樂旗下歌手,之後更加成為亞洲鼓王Don Ashley嘅徒弟。

Cream喺2006年8月演唱會後暫時分開,因為Hilda要去愛爾蘭讀書,而Carpo要專注響學業方面。Renee喺2007年10月19號出席一個電台節目叱咤樂壇訪問嘅時候宣佈自己已經獨立發展,同時推出第一首自己嘅歌《無心對峙》,重拍咗第一齣戲《第一誡》。

李蘊喺2016年1月喺海南同圈外人羅章冠擺喜酒,同時宣佈佢哋經已喺前一年6月結咗婚。

歌唱、影視作品[編輯]

唱片[編輯]

響Cream嗰陣時
  • 2004年9月16號《Cream Garden(限量珍藏校園版)》
  • 2004年10月16號《Cream Garden(第二版)》
  • 2005年6月8號《Super Model》
  • 2005年7月20號《家傳戶曉兒歌集》
  • 2006年8月2號《My Sunshine》
個人發展
  • 2009年4月24/25/26號《I'm ready》

仍然未收錄響唱片嘅歌[編輯]

2006年
  • 《寵愛我》
  • 《MySunShine》廣東版(同Jason合唱)
2007年
  • 《彩虹橋》(同Arzo合唱)
  • 《無心對峙》(派咗台)
2008年
  • 《彩虹橋》(派咗台)
  • 《十五..十六..十七》(派咗台)
2009年
  • 《友情客串》(派咗台)

電視劇(無綫電視[編輯]

響Cream嗰陣時
  • 2005年5月29號《百法百眾終極戰》(法理何在之小心地滑) - Cream
  • 2005年6月25號《奇幻潮》(復仇)
  • 2005年9月20號《百法百眾》(法理何在之要不得的賞金?)
  • 2005年10月5號《人間蒸發》(第8集),飾演廖碧兒童年
  • 2006年5月20號《百法百眾優先場》(法理何在之居有定鎖)
  • 2006年《上海傳奇》,飾演楊思琦童年 #劇集2006年5月喺海外推出

電影[編輯]

獨立發展嗰陣時
  • 2007年《第一誡(2008年3月13號喺新加坡上映,2008年9月4號喺香港上映)

演唱會、音樂會[編輯]

響Cream嗰陣時
  • 2004年6月5號「許冠傑繼續微笑演唱會」表演嘉賓(香港體育館
  • 2004年8月28號「Cream 孖公仔Party音樂會」(紅磡理工學院
  • 2004年11月28號「Cream 跨代情敬老懷舊慈善演唱會」(伊利沙伯體育館
  • 2006年8月22-23號「Cream 3周年My Sunshine演唱會」(伊利沙伯體育館)
獨立發展嗰陣時
  • 2008年1月18號「思念張震嶽是一種病演唱會」客席鼓手(九龍灣展貿Star Hall)

獎項[編輯]

響Cream嗰陣時
2004年
  • pm第三屆樂壇頒獎典禮 - 『pm 04巴閉組合新人獎』
  • 新城勁爆頒獎禮2004 - 『新城勁爆新登場組合』
2005年
  • 第二屆勁歌王頒獎典禮 - 『香港最有前途新人組合』、『網絡人氣組合』
  • pm第四屆夏日人氣歌手頒獎禮 - 『pm 人氣歌曲』(不可沒友)
  • pm第四屆樂壇頒獎禮 - 『pm 強勢金曲』(學生應否談戀愛)
  • 新城勁爆兒歌頒獎禮2005 - 『新城勁爆兒歌』(其實我乖)、『新城勁爆兒歌』(不可沒友)、『新城勁爆全年最高播放指數金曲』(不可沒友 - 加油篇)
  • 新城勁爆頒獎禮2005 - 『勁爆合唱歌曲』(不可沒友 - 加油篇)
2006年
  • 第三屆勁歌王頒獎典禮 - 『網絡人氣組合』
  • 新城勁爆兒歌頒獎禮2006 - 『新城勁爆兒歌』(宮崎駿的童話)

壹本便利》性感照事件[編輯]

刊登風波[編輯]

2006年6月17號李蘊媽咪同埋經理人陪李蘊,上晝去到壹傳媒總部化妝。下晝就跟專車去大埔烏蛟騰影相。四日後,6月21號第752期《壹本便利》就登咗嗰日拍嘅李蘊濕身相,加上誇張標題,引起唔少日注意,有部份人第一日就去影視及娛樂事務管理處投訴,第一日就有成10單。之後一日,6月22號投訴去到44單,而觀塘重案組因懷疑涉及兒童色情,介入做刑事調查。李蘊嘅經理人公司輝皇娛樂話雜誌嘅內容唔係真嘅,而且相係畀人加工過,重向《壹本便利》發出律師信追究,要求澄清報道同埋公開道歉。之後兩日,6月23-24號李蘊同埋媽咪終於回應,接受咗《東方日報》嘅專訪[1],同埋喺新城電台發出聲明,譴責《壹本便利》。不過呢啲投訢唔單止無減弱呢期銷情,反而重吸引唔少人爭住來買。

刑事起訴[編輯]

到7月12號觀塘重案組做咗初步調查,而影視處收到嘅投訴去到140。再過四個月,11月14號警方調查半年之後,正式落案起訴壹本便利有限公司、《壹本便利》總編輯袁彩玉同埋承印人百樂門印刷服務有限公司,指控佢哋犯咗觸犯《防止兒童色情物品條例》。2007年3月19號,案件喺觀塘法院開審,李蘊嘅媽咪出庭作供。《壹本便利》係第一間傳媒機構被控觸犯《防止兒童色情物品條例》。第二日3月20號裁判官林嘉欣裁定,第752期《壹本便利》6頁刊登李蘊濕身照片嘅內容,其中4頁涉及控罪嘅表面證供成立。到下過月,4月16號裁判官指案中疑點重重,照疑點利益歸於被告嘅原則下,裁定案中被告罪名唔成立。(案件編號:KTCC 7416/06)

相關事件[編輯]

2006年8月30號多間傳媒收到一封匿名信,同埋一段聲帶,內容係李蘊經理人、李蘊同埋輝皇娛樂旗下另一名藝人吳筱茵一齊食飯時嘅對話。[2] 李蘊話,聲帶中嘅女仔並唔係佢自己,而李蘊經理人更嚴正聲明,有關聲帶係經過移花接木,唔排除就事件報警求助。[3] 另外一個月後,9月15號李蘊嘅屋企人同埋經理人同時收到有刀片嘅恐嚇信,相繼報警,李蘊經理人相信事件屬嚴重惡作劇,兩案已經合併交咗畀中區警署偵緝人員調查。[4]

聲明[編輯]

Renee嘅阿媽6月24號喺新城電台粵港越流行節目時段裏面發出下面嘅聲明:「6月16號我接到《壹周刊》嘅電話,約咗Renee喺6月17號影一輯陽光少女嘅專輯同埋做訪問,嗰日上晝11點半,我同Renee到咗壹傳媒嘅大廈門口,有個女記者帶咗我哋到化妝室化妝、整頭,並攞咗兩套衫畀我睇,我覺得冇問題。之後跟佢哋到大埔某地方影相,嗰日天氣好熱。Renee換衫時,我發現多咗3套有少少性感嘅衫,我即時拒絕。佢哋卻不停游說,話唔性感同埋影出來好靚,影相時又不停喺Renee身同頭上噴水,指出來效果好些,如果唔好會唔刊登。想唔到之後喺不知情下,相片喺《壹本便利》刊出,效果既唔健康又被加工,內文亦歪曲事實,好負面,對我同女兒好大傷害。吸收咗今次大教訓,令我認識到部分傳媒嘅操守道德有問題。而家經理人公司會採取法律行動追究,所以我哋唔方便回答問題,以免影響法律程序。我希望呢事件快啲完,傳媒唔好騷擾小朋友。」

參考[編輯]

注意:以下引用咗嘅報章標題,可能有唔中立嘅描述。但係根據可供查證原則,仍然詳列喺下面:

  1. 濕身Cream女 揭壹傳媒醜行 互聯網檔案館歸檔,歸檔日期2007年9月28號,. - 6月24號東方日報專訪
  2. 錄音對話節錄如下 - 頭條網
  3. 神秘錄音掀濕身照餘波 李蘊﹕有人誣衊我﹗ - 頭條網
  4. 李蘊挺阿嬌接界刀信 互聯網檔案館歸檔,歸檔日期2007年4月28號,. - 東方日報

出面網頁[編輯]