林棹（粵讀：lam4 zaau6），係喺中國大陸嘅作家。佢喺廣東深圳出世[2]，代表作品有小說《流溪》同埋《潮汐圖》。喺佢嘅小說《潮汐圖》入面，講述嘅係一隻喺廣州出世嘅大蛤乸輾轉噉喺澳門同埋倫敦嗰度生活，小說嘅特色之處係語言嘅精煉同埋駁雜性，成日會夾雜好多粵語嘅獨有詞彙，嚟突顯故仔入面嘅嶺南風格。亦因為噉佢憑住呢本小說攞到第五屆寶珀理想國文學獎首獎同埋春風新人獎[3]。
