愛情

愛情指包含性因素（無論明顯與否）而不止於性，兩個人（有時更多）鍾意彼此嘅感覺或／及關係，然而往往難以準確定義。「愛情」一詞只用嚟形容你情我願嘅情況，因此算褒義詞。

科學

睇埋：求偶同性選擇

文化

睇埋：愛情小說

字詞

「愛」、「情」同戀各自有廣泛意思，視乎同乜嘢其他字砌成詞語，以及前文後理，可用以表示嘅關係／感覺當中嘅成員之身份亦千變萬化——人、物同事等無所不包；三者又可以配搭成數個與「愛情」幾乎同義嘅兩字詞——情愛、戀情、戀愛同愛戀。

内文：親暱稱呼

語氣正經時，當局者同旁觀者會將處於愛情關係當中嘅人叫做（［某人］嘅／［某數詞］對）愛人oi3 jan4／愛侶oi3 leoi5、（［某人］嘅／［某數詞］對）戀人lyun2 jan4／情人cing4 jan4（只限無婚姻關係者）、（［某數詞］對）情侶cing4 leoi5（只限無婚姻關係者）、（［某人］嘅）「男朋友」／「女朋友」（只限無婚姻關係者）、（［某數詞］對）男女朋友（只限無婚姻關係者）、(某人嘅）另一半……俗氣嘅講法有（某人）條仔／條女（只限無婚姻關係者）……粵地人，尤其是香港嗰啲，重興將英文詞彙半鹹淡噉樣嵌入廣東話，用嚟作此類稱呼，例如「darling」（寫「打令」讀「粵拼：daa¹ ling²」）、「honey」（讀「粵拼：hang¹ li²」）、「baby」（讀「粵拼：bei¹ bi⁴」）同「BB」（讀「粵拼：bi⁴ bi¹」）等，主角或者外人都用得，亦唔限婚姻狀態。

以量計，異性戀佔愛情嘅大多數，同性戀及雙性戀只佔好少數。按漢族傳統，中者及末者皆唔受推崇。因此，男女關係經常用作愛情關係嘅同義詞；男男關係同女女關係都唔常用；要泛指上述種種，亦可以用西化嘅「浪漫關係」。