楊屋道

出自維基百科,自由嘅百科全書
Jump to navigation Jump to search
楊屋道近楊屋道街市

楊屋道英文Yeung Uk Road)係香港一條馬路,喺荃灣中部,條路以楊屋村命名,村已經搬走咗。佢係區內要道,全長約莫九百,土地填海得返來。1970年代之前,楊屋道係荃灣嘅海邊[1]。楊屋道比較開闊,不過佢喺舊市邊,熱鬧就唔及沙咀道

[編輯]

條路以楊屋村命名,不過村已搬到大窩口國瑞路嗰邊。

楊屋道舊時有楊屋道運動場,舊時係個市主要運動場,不過後尾荒廢咗,用唻起樓。家下留返個茶水亭。而另一邊有楊屋道街市,未重建之前,係單層搭建嘅街市,裏面檔口林立。楊屋道同大河道,舊時有荃灣碼頭荃灣碼頭巴士站,兩者因填海而搬遠。

未擴闊嘅楊屋道,時爲二零零八年九月

2008年10月,香港政府擴闊大河道同馬頭壩道之間一段楊屋道,重整楊屋道同德士古道之間一段馬頭壩道嘅走線、相關嘅渠務工程、環境保護同美化工程。工程喺2011年9月完成。

地理[編輯]

楊屋道呈東至西向,東面斜北,西面斜南,全道係平路。東面起自德士古道,路口直通葵福道。而西面起自大河道,路口直通海盛路。東面係大窩口工業區,工廠林立,不過。近來有啲轉爲住宅寫字樓

沿途商用有如心廣場荃新天地。住宅有萬景峰御凱楊屋道球場原址)、爵悅庭立坊(H Cube)同埋樂悠居等等。另有唔少唐樓。公共設施有楊屋道街市楊屋道體育館荃灣公園、聯仁街熟食小販市場。

[編輯]

  1. "1977年荃灣地圖". (原先內容喺2005年9月14號歸檔). 喺2019年2月13號搵到.