荃灣碼頭

出自維基百科,自由嘅百科全書
Jump to navigation Jump to search
荃灣碼頭
荃灣碼頭

荃灣碼頭,係香港新界荃灣沿海嘅一個碼頭,近港鐵西鐵綫荃灣西站嘅南面,而家有珀麗灣客運嘅服務,來回馬灣珀麗灣

以前,荃灣碼頭係有渡輪來回中環統一碼頭等等,但係因為西區海底隧道通車,令到來往荃灣區同港島區之間嘅車程縮短好多,所以港九小輪有限公司2000年7月1號將呢條渡輪取消[1] [2] [3]

荃灣碼頭原本係一個好大嘅建築物,裏面有入境事務處等政府部門辦公,去連接隔籬嘅荃灣運輸大樓,但因為九廣西鐵(而家叫西鐵綫)嘅工程,碼頭部份清拆同埋進行填海,政府部門亦都搬走。而家嘅躉船碼頭係工程完成之後起嘅。

另外,喺青衣大橋通車之前,荃灣碼頭來往青衣碼頭嘅航線係青衣島嘅主要對外交通工具。

歷史[編輯]

而家嘅荃灣碼頭已經係第四代,先前經歷咗三次搬遷。

第一代碼頭喺1935年啟用,但喺1942年日本侵佔香港期間俾人炸咗。

第二代喺1958年啟用,位置大概喺而家楊屋道如心廣場附近,1983年因為填海起荃灣路祈德尊新邨而清拆。

第三代接住喺1983年啟用,喺荃灣路對出嘅填海區,並且設有荃灣運輸大樓,作為荃灣碼頭嘅巴士總站,當時有「荃灣至青衣」、「荃灣至中環」、「荃灣至中環經青衣」、「荃灣至大澳」航線,2000年因為填海起九廣西鐵荃灣西站而清拆,航線亦都停辦。

而家的第四代喺2002年啟用,喺荃灣西站對出嘅填海區。

隔籬[編輯]

接駁交通[編輯]

參考資料[編輯]

出面網頁[編輯]