SimCity BuildIt

SimCity BuildIt
類型	手機遊戲
開發	Maxis
發行	Android，iOS

《SimCity BuildIt》中國大陸發行名叫做《模擬城市：我是市長》係模擬城市系列嘅創新版本，喺2014年10月23號開放，由藝電公司經營，可以喺iOS系統嘅App 商店及Android系統嘅Google Play 商店進行免費下載。玩家可以自行揀買唔買，通常都係免費嘅，都可以離線玩遊戲（單機模式）。呢個遊戲下載量已經超過4000萬次，喺美國區域iOS版本嘅熱門遊戲排過入頭10名。

基本介紹

起城市倉庫就可解鎖，最初嘅容量係40個，可以透過指定數量嘅3種道具（倉庫攝影機、倉庫鎖同倉庫杆）增加容量，一次可加5個容量。起其他商店嚟整多啲建材；近期版本係只要達到一定嘅等級，商店可以升級，減少建材嘅生產時間。市長可以喺貿易倉庫揀建材銷售，銷售成功後可攞到模擬幣，市長都可以揀至全球貿易總部，用模擬幣購買需要嘅建材、道具。能夠傾聽市民嘅需求嚟規劃佢哋想要嘅建設，藉以提升模擬市民嘅幸福指數，佢哋就會支付更多嘅稅金。透過災害訓練可以提升市長嘅應變能力，做完後可以攞到金鎖匙。貨船訂單送到時，喺指定時間內進行指定數量建材嘅收集，做完後可以攞到金鎖匙。有道路先可以進行建設，可以建造、升級或者拆除。起政府後解鎖，只要達到城市成就嘅條件，就可攞到SimCash。參加市長競賽去攞無法以SimCash同其他途徑攞到嘅白金鎖匙嚟買白金級城市發展建築。城市發展到極限時，需要嘅就係土地擴展，可以透過指定數量嘅三種道具（推土機排氣管、推土機車輪同推土機鏟刀）做土地擴展。

服務

起消防局、警察局，顧及模擬市民嘅安全；起抽水站、污水處理廠，維持模擬市民嘅水質；起醫院，維護模擬市民嘅健康。另外都可以起三合一嘅Maxis莊園（上限4座，同時提供V博士嘅特殊物品）；歐米茄區域就要控制網、無人機以保持運作，但唔使消防局、警察局、醫院。

住宅區

目前分做一般住宅區（服務需求每幢1份量）、巴黎區（服務需求每幢2份量）、倫敦區（服務需求每幢2份量）、東京城鎮區（服務需求每幢2份量）、史詩建築物（剩係可以從一般住宅區升級而成，服務需求每幢1份量）、歐米茄區域（服務需求每幢5份量）。每幢史詩建築可產生1加速代幣部件。收集3加速代幣部件可生成1加速代幣，分烏龜（速度x2）、駱馬（速度x4）、獵豹（速度x12）共3種，用咗後可減少物品生產時間。

城市發展

模擬市民繁忙嘅時候，會到公園嚟抖抖氣；都需要綠色景觀；模擬市民需要重多嘅教育，增加多啲知識；交通工具都係需要模擬市民嚟搭；模擬市民有時會喺海灘上、休閒娛樂嘅場所做唔同活動；博弈係模擬市民最鍾意賭博嘅地方；增加地標，去增加城市嘅文化水準；模擬市民有時會到禮拜堂進行精氣神方面上嘅補充。海灘及山區可進行擴建動作。上面講嘅所有嘢都可以增加城市人口。

節慶限定嘅建築

《模擬城市建造》嘅開發者為咗配合依家生活嘅節慶，陸陸續續推出節慶限定嘅建築，例如萬聖節、聖誕節、春節、情人節、復活節等等之類嘅建築。

地標

• 比薩斜塔（ 比薩）
• 大笨鐘（ 倫敦）（需要10倫敦城鎮建築）
• 凱旋門（ 巴黎）（需要5巴黎建築）
• 勃蘭登堡門（ 柏林）
• 帝國大廈（ 紐約）
• 自由女神像（ 紐約）
• 華盛頓紀念碑（ 華盛頓特區）
• 姬路城（ 姬路市）（需要10東京城鎮建築）
• 艾菲爾鐵塔（ 巴黎）（需要10巴黎建築）
• 週年紀念拱門（自製）
• 吉拉達塔（ 塞維亞）
• 東京鐵塔（ 東京）
• 科隆大教堂（ 科隆）
• 威利斯大廈（ 芝加哥）
• Maxis超人雕像（自製，需要18級V大樓）
• 歐米茄之塔（自製）

粗體要用白金鎖匙買（唔可以用SimCash）

缺點

城市名限制

SimCity BuildIt雖然話畀玩家隨便改城市名，就唔接納玩家用同中共同粗口有關嘅字，例如「中共市」、「六四市」、 「習近平市」、「幹你娘」、「操你媽」、「屌」等，會顯示做「無效的城市名稱」。

冇鐵路

由於SimCity BuildIt一直冇鐵路（山區火車、電車及懸浮列車除外），唔少玩家要求喺「交通」新增鐵路選項。所以，遊戲最近係部份地圖更新含有鐵路嘅橋樑，但暫時未知會唔會或者點樣加入鐵路元素。

出面網頁

• SimCity BuildIt嘅facebook頁
• SimCity BuildIt - EA遊戲資訊網