檀香刑

《檀香刑》係中華人民共和國作家、諾貝爾文學獎得主莫言嘅長篇小說，先後由作家出版社、上海文藝出版社出版發行。

內容

晚清1900年，德意志帝國侵略大清，將山東劃歸做佢嘅勢力範圍，德國人喺山東修建膠濟鐵路，運送山東嘅礦石。清朝廷內憂外患，義和團運動興起，祭出「扶清滅洋」嘅口號，破壞鐵路、電線杆等西方設施。慈禧太后想借助義和團嚟對付鬼佬，同時亦為咗防止義和團做大，派咗袁世凱去暗中做嘢，但係鬼佬聯合起身，組成咗八國聯軍，一路攻打到北京，對北京城入面逐家逐戶進行咗洗劫同搶掠，又逼清政府簽訂咗不平等條約《辛丑條約》，中華大地開始掀起咗新一輪嘅抵抗外敵同反對朝廷嘅鬥爭，山東高密縣東北鄉就係其中一個典型例子。

角色

• 眉娘，民女，老竇孫丙，老公趙小甲，家公趙甲。
• 趙甲，眉娘家公，京城刑部大堂嘅首席劊子手，當差40年，殺人無數，比高密縣一年嘅西瓜產量重多。
• 孫丙，眉娘老竇，因屋企人畀德軍所殺，憤怒之下加入義和團，被捉之後施以檀香刑。
• 錢丁，縣太爺，眉娘情夫，清政府官員。
• 趙小甲，眉娘老公，殺狗劏豬嘅屠夫，老竇係趙甲。
• 錢雄飛，袁世凱身邊嘅軍官，因為企圖刺殺袁氏被處以500刀凌遲。
• 慈禧太后，攝政太后，晚清實際統治者。
• 李蓮英，慈禧太后身邊嘅紅人，太監總管。
• 袁世凱，清朝大臣，晚清權臣。

目錄

• 鳳頭部

1. 第一章 眉娘浪語
2. 第二章 趙甲狂言
3. 第三章 小甲傻話
4. 第四章 錢丁恨聲

• 豬肚部

1. 第五章 鬥須
2. 第六章 比腳
3. 第七章 悲歌
4. 第八章 神壇
5. 第九章 傑作
6. 第十章 踐約
7. 第十一章 金槍
8. 第十二章 夾縫
9. 第十三章 破城

• 豹尾部

1. 第十四章 趙甲道白
2. 第十五章 眉娘訴說
3. 第十六章 孫丙說戲
4. 第十七章 小甲放歌
5. 第十八章 知縣絕唱

• 大踏步撤退——代後

風格

全書分為鳳頭、豬肚、豹尾三大部分，結合魔幻現實主義同中國民間文學，展現咗一幅晚清史嘅畫卷。

獎項

2002年，鼎鈞雙年文學獎；入圍第六屆茅盾文學獎；台灣聯合報《2001年十大好書獎》；中國小說學會《2001年度小說排行榜》。

其他

莫言對呢本書冇拍成電影一事，感到極大嘅遺憾。