慈禧太后

出自維基百科,自由嘅百科全書
跳去: 定向搵嘢
慈禧太后畫像
慈禧太后嘅仔同治帝

慈禧太后(姓葉赫那拉氏,名杏貞,1835年11月29號1908年11月15號),又叫做西太后老佛爺,係大清咸豐皇帝嘅妃子,同治帝阿媽光緒帝嘅養母。佢係1861年至1908年大清嘅實際統治者。

佢掌權前半期,大清朝廷首先喺1864年成功鎮壓太平天國運動,隨後响奕訢曾國藩左宗棠李鴻章盛宣懷張之洞等人領導下,興辦洋務運動,令到大清出現咗同治中興嘅局面。

1875年,清穆宗駕崩,慈禧立咗外甥載湉(醇親王奕譞嘅二阿哥)做皇帝,並將載湉過繼畀清文宗,是為清德宗,年號光緒,亦叫做光緒帝。

佢掌權後半期,1881年,慈安太后瓜老襯,慈禧太后實現一宮獨裁,其後,佢重喺1884年製造甲申易樞嘅政變,搞到奕訢失勢。

1894年,甲午戰爭爆發,慈禧太后因為挪用北洋海軍軍費重建頤和園,大受時人指責,與此同時,洋務運動宣布失敗。

1898年,清德宗任用康有為梁啟超推行戊戌變法,但觸犯保守派官員嘅既得利益,慈禧太后發動戊戌政變,令清德宗、珍妃失去人身自由,重下令處斬戊戌六君子

1900年1月24日,慈禧太后接受瓜爾佳·榮祿嘅建議,以清德宗名義頒詔,話清德宗冇生育能力,冊立端郡王載漪二阿哥溥儁做大阿哥,並改年號做保慶,史稱保慶帝,但係外國公使唔承認,慈禧被迫停止廢立計劃。同年,義和團運動爆發,八國聯軍亦乘機侵華,慈禧挾持清德宗去西安走難,並派崔玉貴珍妃落井。

1901年,清朝同十一國簽訂辛丑條約,同年,大清政府喺慈禧太后嘅默許下進行改革,改革比1898年嘅戊戌變法更廣泛、更深入,是為清末新政

光緒帝死咗之後一日,慈禧太后喺1908年11月15號下晝五點鐘病死,然後葬喺菩陀峪定東陵;大行皇帝無嗣,由醇親王載灃個仔溥儀繼位(後來叫宣統皇帝,亦因為咁,宣統皇帝就繼承同治,兼祧光緒)。

佢死後極盡哀榮,謚號總共25個字:「孝欽慈禧端佑康頤昭豫莊誠壽恭欽獻崇熙配天興聖顯皇后」,係大清歷代皇后之最。