載湉

出自維基百科,自由嘅百科全書
跳去: 定向搵嘢
載湉

愛新覺羅載湉1871年8月14號1908年11月14號)係大清皇帝,1875年到1908年在位,史稱清德宗。因在位年號光緒,又叫光緒皇帝

生平[編輯]

清同治十年(1871年),載湉出世,阿爸係道光帝第七仔醇賢親王奕譞,阿媽係那拉氏。

1875年,清穆宗載淳駕崩,因冇子嗣,四歲嘅載湉繼承皇位,兩太后攝政,改元光緒,當年即光緒元年。

光緒九年(1883年),中法戰爭,翌年簽定《中法新約》。

光緒十年(1885年4月4號),清法簽訂停戰協議。

光緒十三年(1887年),港商何啟創辦雅麗氏紀念醫院。9月30號,黃河決堤,200萬人死。12月1號,清葡簽友好通商條約。

光緒二十四年四月初十(1898年5月29號),恭親王奕訢死,載湉輟朝五日,素服十五日。

光緒二十四年四月廿三(1898年6月11號),載湉頒佈《定國是詔》,戊戌變法開始。

諭:「中外大小諸臣,自王公至於士庶,各宜發憤為雄。以聖賢義理之學植其根本,兼博採西學之切時勢者,實力講求,以成通達濟變之才。京師大學堂為行省倡,尤應首先舉辦。軍機大臣、王大臣妥速會議以聞。」

光緒二十四年八月初六(1898年9月21號),載湉俾慈禧太后軟禁喺瀛台涵元殿、頤和園玉瀾堂,戊戌變法失敗。

光緒二十六年(1900年),八國聯軍攻入北京,載湉俾慈禧太后挾持到西安。光緒二十七年(1901年)返北京,繼續被軟禁。

死因之謎[編輯]

清德宗喺1908年瓜老襯。佢嘅死,有人話係慈禧太后做,有人話係袁世凱做,亦有人話係李連英做,係「清宮八大疑案」之一。

[編輯]

佢雖然係一位有改革意識、才思敏捷、不畏強權嘅一代帝王,但有志難伸。

[編輯]

  • 《清史稿》本紀二十四 德宗本紀二