檸檬可樂，通常簡稱檸樂，係一種嘢飲，常見於香港，做法係將檸檬片放入可樂度。多數用可口可樂而唔係百事可樂。檸檬可樂通常係凍飲，不過亦有熱嘅飲法，叫做檸樂煲薑。
香港茶餐廳嘅樓面為咗加快落單嘅速度，檸檬可樂會用佢簡稱檸樂嘅廣東話諧音寫成「06」。
近年可樂生產商受到呢種嘢飲品嘅啟發，推出本身帶有檸檬味嘅可樂，不過喺香港重係以檸檬片加普通可樂較為流行。
檸檬可樂
