檸檬七喜
檸檬七喜，通常簡稱檸七，係一種香港嘢飲，做法係直接將新鮮檸檬切片，放入七喜度，類似檸檬可樂，大概喺二十世紀末喺茶餐廳出現，佢嘅起源已經冇人知。茶餐廳嘅樓面為咗加快落單嘅速度，檸檬七喜會以佢簡稱檸七嘅廣東話諧音寫成「07」。
喺汽水放入檸檬嘅做法，喺東南亞都幾常見。其中越南就有一種青檸梳打嘅嘢飲，當地人將新鮮青檸切片，混入梳打水，再放入砂糖飲。不過梳打水喺香港並唔流行，港人一般習慣用七喜或同類飲品雪碧代替。
鹹檸七
[編輯]鹹檸七，意思即係鹹檸檬七喜，係檸檬七喜嘅變化，做法係將鹹檸檬加入七喜汽水度，香港人相信呢種嘢飲品可以化痰潤喉，同樣受到歡迎。
大概1990年代後期，一啲茶餐廳開始推出鹹檸七，每杯價錢約十幾港紙。