歐家梯田

歐家梯田（粵拼：au1 gaa1 tai1 tin4）係中國廣東清遠一梯田兼景區，喺連山太保鎮北邊嘅歐家村入面，大霧山嘅海拔400～800m之間。個梯田四面環山，一年四季氣候分明。當地嘅年平均氣溫先至得18.9℃。佢係廣東省規模最大兼最原始生態嘅梯田。座梯田西北偏西邊離粵桂湘三省界淨得15.3km到。

呢座梯田有93%嘅森林覆蓋率，氧氣負離子含量超高，入面有「春回醉山花、夏至山巒翠、秋來金穗燦、冬披銀毯粧」嘅講法。公園內有成千幾畝梯田，排成M字散佈喺歐家村四圍。入面主要分開咗犁頭坪梯田同上磅嶺梯田兩個景區。

景區

犁頭坪梯田

上磅嶺梯田

犁頭坪梯田

東邊梯田一景，離村三角市有800m到。面積近400畝，梯田嘅梯級成150級到，延伸成千米。佢個地方平均海拔都有600m，喺朝頭早有雲海籠罩。之前歐家地區啲住宅都喺嗰帶，後因交通唔方便而搬到西南邊嘅山底。

上磅嶺梯田

西邊梯田一景，離村三角市有400m到。面積近700畝，佢亦係成個景區面積最大嘅地方。由於附近係啲山地，睇落去好似條山邊鑲嵌嘅綠色腰帶噉。

唔同季節嘅景

公園入面喺一年四季都有嘢睇，而且每個季節都唔一樣。主要出名時節如下：

季	靚景
春	星羅群佈嘅梯田，填飽水後似好多隻鏡面。
夏	螢火蟲滿天飛，好多田鷄叫，一片綠禾田，成片綠波似大地靚詩。
秋	好多唚金黃稻穗鑲嵌喺大霧山腳嘅黃金噉
冬	大霧山上鋪晒銀裝，天地茫茫。

飛同開放時間

開放時間

24小時開放，不過村內唔畀除歐家村外啲車出入。
夜晚黑入場時，淨限喺園區內入住民宿先至有效。

飛

全票：CNY￥70
1.2m≤身高＜1.5m（細路）／年紀≥60（老坑，要有本人有效身份證原件）：CNY￥49
身高＜1.2m（細路）／傷殘人士（要有殘疾證）／軍人（要有軍官證）：免費

注意事項

飛淨限一人一張入場。
飛一旦賣出，淨限當日入場有效。若果張飛唔見咗或偷咗或過期，冇得補辦。
飛一旦賣出，除非景區出現重大突發事件或法定事由或惡劣天氣之外，其它情況冇得退換。

交通

呢個景區嘅交通好唔方便，冇巴士、地鐵或其它公共交通直達，一定要去各地旅行社報名參加旅行團先至去到。自駕車方面，要行到323國道嘅K577標記位嘅T字路口轉右入去5km先至到。

出面網頁

歐家梯田嘅官方網站