正方 (單位)

正方（英文：em，又叫 mutton），喺排版同平面設計，係一個相對嘅長度單位，換算係 1 em 等於用緊嘅字大細，例如；如果用緊大細係 12 點嘅字，1 em 就即係 12 點，但係如果用緊 72 點嘅字，1 em 就係 72 點，如此類推。喺以前字粒排版嘅時代，一粒 1 em 闊嘅空格，啱啱就係一個正方形。正方嘅一半叫半方（en）。

em 並唔對應任何感知到或者測量到嘅物理量，理由係字大細本身已經係個虛構嘅數值。

講中日韓書寫系統嘅排版嗰陣，｢中文空格｣ 作為單位用，好多時都會譯做 em，但係其實中文字只係直排先會對應 em，如果橫排，就淨係字粒或者字形係正方形，先會對應 em 嘅單位。