長度
(由長度單位跳轉過嚟)
長度（粵拼：coeng4 dou6，英文：length），或者長（coeng4），係指講物體兩端嘅距離大細。有時為咗方便分便唔同方向嘅長度，會分出高度同闊度。高度係指打棟嘅長度，而闊度係專指側邊嘅長度。佢重喺國際單位嘅七種度量方式嘅一個單位。
敘述
[編輯]長度係一維嘅大細，面積係二維嘅大細（長度平方），體積係三維嘅大細（長度立方）。喺大部份度量衡系統，長度都係基本單位，好多單位都就由佢衍生出來。
喺字典嗰度嚟講，長度可以解釋成兩邊之間嘅距離[1]。而所謂嘅距離既可以係直線，又可以係曲線；既可以喺平面入面，又可以喺3D嘅範圍入面。喺物理上來講，長度同距離係同義。
長度嘅單位
[編輯]長度嘅度量單位有好多種。喺國際上用米做長度基本單位。喺國際單位入面，佢將米定咗係標準嘅單位[2]。，所以「1米」有幾長係要好嚴格嘅科學證明先至得。而最新嘅「1米」證明係1983年嘅國際度量衡大會講咗出嚟，而呢次定義係用咗自然界入面邊度都可以見到嘅光，而且喺1970年代嗰時，光速已經有好嚴格嘅準確度，所以佢定咗光喺真空入面行1/299792458秒嘅距離係1標準米。所以一旦光速達到重準嘅測量度，個數改嘅係米，而唔係光速。
註
[編輯]- ↑ 新华字典
- ↑ "International System of Units（SI）". 原著喺2006年6月15號歸檔. 喺2015年3月3號搵到.
