字大細
.png)
字大細[1]:318（英文：type size，用點計嘅話又叫 point size，文書處理叫 font size），喺排版、平面設計同文書處理，係指心目中想印出來嘅字有幾大隻，而
以前中文圈同英文圈都唔係用點計；例如以前中文會叫幾號字，號數越大啲字就越細[2] ，英文就唔同大細有唔同名[3]:45。而事實上，中文字粒嘅大細號數其實係來自英文排版嘅大細名[4]。
.svg)
如果目的係要保證隻字實際有幾大，淨睇大細有幾多點，其實係冇用嘅，一定要睇埋係邊隻字款，因為點數指嘅唔係隻字肉眼望落幾大，而係設計上，理想中嘅字粒字面幾高。可以話，喺排版呢個領域入面，字大細係少數脱離現實嘅虛構數值[3]:301；影響肉眼望落隻字幾大，喺英文排版嘅決定性因素其實係 X 長[5]:39。有平面設計師提出放棄用點計字大細，改用毫米來
雖然淨講字大細並唔對應任何可見嘅物理量，但係好多無障礙設計嘅標準都有字大細嘅規定。
定義
[編輯].svg)
原則上，喺字粒時代，字大細嘅定義就係字粒嘅大細，或者準確啲講係字面（即係字粒上面刻咗字嘅嗰個表面）嘅高度[1]:37[5]:38，即係理論上係個可以用尺
喺電腦排版，數碼字款嘅字大細，一般只係將1點大細嘅字形按比例放大縮細。間中會有例外，例如有啲排版軟件可能會自動揀視覺大細，不過就算係計埋視覺大細，都只係將啱用嘅視覺大細
定義同感知嘅偏差
[編輯].svg)
雖然字粒嘅大細原則上可以
至於喺電腦排版，1點大細嘅字形究竟係乜樣，就取決於設計師喺個格入面點畫；個格幾大係個設計師隨便定（不過喺 PostScript 通常係 1000 個單位，但係唔係規定），不過無論幾大，印或者顯示出
.svg)
格入面嘅字要畫幾大，係冇規定嘅，亦冇可能規定，因為如果個格嘅高度係固定，要控制隻字唔同部分嘅大細比例，就只可以透過切割固定咗嘅高度；唔同嘅切割方法做成嘅唔同比例，但係切割出
另外，亦冇規定唔准畫出界。兩個原因都說明點解字大細冇可能代表到字肉眼感測到嘅真實大細。
視覺大細
[編輯]
喺19世紀之前，唔同大細嘅字粒並唔係好似數碼字款咁，係按比例放大縮細嘅，而係人手執過，唔同大細嘅字，形狀上其實有好大出入[5]:41。呢種視覺上嘅修正喺 TeX 嘅傳統 METAFONT 字款同一啲貴價嘅數碼字款都有；喺電腦排版叫視覺大細[暫譯]（optical size），呢個並唔係傳統嘅名，而係 Adobe 喺推出 Multiple Masters 格式嗰陣作嘅叫法[3]:190–191。視覺大細其實唔係一種大細，而係適用於嗰個大細嘅形狀[5]:41。
視覺大細嘅原理，係實際大細唔同嘅字，形狀上其實有唔同嘅需要，例如，如果將普通大細嘅字夾硬按比例縮細，啲綫就會幼得滯同排得太密，會好唔易睇，掉轉頭講，如果將普通大細嘅字夾硬按比例放大，啲綫就粗得滯同形狀上有啲悶，所以大細字有唔同用途，亦都意味住形狀上都要唔同[3]:190–191[6]:8–11。
視覺大細有個前提，就係假定讀者同啲字嘅距離係正常閱讀距離。
閱讀距離
[編輯]
提到字大細，一般人聯想到嘅係普通閱讀距離之下睇到啲字幾大，但係喺環境平面設計，設計師要顧及到嘅係幾米、十幾米甚至更遠嘅距離，所以，用嘅字大細會大過常見嘅數值好多。距離越遠，用嘅字大細就要越大，例如，如果要 10 米以外睇到，要用 300 點嘅字先有正常距離 12 點嘅效果。
.svg)
呢種距離，其實喺普通嘅平面設計亦會遇到，例如，如果用投影機播 PowerPoint，打落銀幕嘅字如果要最尾一行嘅人都睇到，就應該計返最細可以用幾大隻嘅字，間房大啲，隨時已經講緊 10 米嘅距離。當然，如果個距離要用到 300 點大嘅字，個設計師並唔會指定 300 點嘅字大細，而係要按照銀幕上面影像嘅大細，計返電腦上面幾大隻字喺投影之後會變成 300 點。
海報設計亦有類似情況，例如，如果喺地下鐵月台，路軌嘅另一邊放廣告，如果啲字唔夠大，啲人係冇可能行近啲睇清楚嘅，亦即係話，設計師應該考慮至少 3 米以上嘅閱讀距離。
網頁嘅字大細
[編輯] | 呢節要加長。 |
喺網頁，基於無障礙設計等等嘅原因，熒幕用嘅字大細一般已經唔再用點計，亦都唔係用像素計，而係用正方（em），同一個可以叫 ｢原大細｣ 嘅單位（rem，全寫 root em，直譯 ｢根元素正方｣），即係 html 元素入面指定嘅字大細[7]。
字大細嘅 ｢音階｣
[編輯]平面設計師同一般用文書處理系統嘅人都會當字大細係可以是但定，亦即係字大細構成嘅係一個光譜。但係喺傳統排版，由於字粒係實物，唔可能隨便放大縮細，字大細構成嘅並唔係光譜，而係 ｢音階｣。英文排版傳統用嘅係一個由 6 點到 72 點嘅 ｢音階｣，當中只有17個 ｢音符｣（字大細）[3]:45。
呢啲名並唔係一直都對應一樣嘅點數，亦都好似音符可以升降咁，前便同中間其實係有第啲字大細嘅[8]。
拎
[編輯]- 歐美傳統字大細嘅詳細歷史（英文）
攷
[編輯]- ↑ 1.0 1.1 1.2 何錦隆 (編)。《英漢印刷及傳訊科技雙解詞典》 (香港中文)。香港：啟文書局有限公司。ISBN 962-336-020-7。
- ↑ Wong, T. (December 13, 2012)。〈香港中上環 活字印刷〉 (香港中文)。喺2024年9月3號搵到。
- ↑ 3.0 3.1 3.2 3.3 3.4 3.5 Bringhurst, Robert (2015). The Elements of Typographic Style (加拿大英文) (第4.1版). Seattle, WA: Hartley & Marks. ISBN 978-0-88179-212-6.
- ↑ 西野嘉章編 (1996年)。〈活版の世界〉. 《歴史の文字 記載・活字・活版》 (日文)。東京大學總合研究博物館。喺2024年9月3號搵到。
- ↑ 5.0 5.1 5.2 5.3 Lupton, Ellen (2010). Thinking with Type (美國英文) (第2版). New York, NY: Princeton Architectural Press. ISBN 978-1-56898-969-3.
- ↑ Knuth, Donald E. (1999). Digital Typography. Stanford, CA: CSLI. ISBN 1-57586-010-4.
- ↑ "Styling" (英文). World Wide Web Consortium. 2015年2月27號. 喺2023年4月28號搵到.
- ↑ "printing type" (美國英文). 原著喺2023年4月28號歸檔. 喺2023年4月28號搵到.