水解蛋白，蛋白質一種，實情為水解蛋白質，經過水解嘅蛋白質，化成溶液。唔少蛋白質分子，都好大件下，水解會將蛋白質分子拆細，拆到單元叫胺基酸，未拆到單元咁細，稍為大一啲，就叫肽。
一般用鹽酸同加熱做，但亦有用蛋白酶做。
水解蛋白用處好多。但一般大眾所知，為人或者寵物，減少食物過敏嘅情況。大分子嘅蛋白質，有時會觸發免疫系統，免疫反應視佢為有害之物。柝細咗，或者會減低問題。有啲為敏感而設嘅貓糧狗糧，就有水解蛋白。有啲配方嬰兒奶粉，亦用到水解蛋白。一般只係部份水解，畀啲對牛奶蛋白質有敏感嘅孲仔，但唔保證有用。
