江澤民派系

出自維基百科,自由嘅百科全書
Jump to navigation Jump to search
中共黨員江澤民

江澤民派系,別稱上海幫,係中國大陸外國中文媒體、政治網站流傳,中國共產黨入面嘅一股政治勢力派別,同前中共領導江澤民有關。佢係指中國共產黨內部一個非正式派系,主要成員多數由上海嘅領導崗位提升到中央政府同中國共產黨高層,或者係江澤民中共中央總書記期間被提升,所以又叫江派,派系形象好鮮明,但嚴格嚟講來自上海嘅並唔一定係上海幫,例如做過上海市委書記嘅前總理朱鎔基就冇被劃分做江派。

代表人物[編輯]

中共中央政治局裏面,上海幫曾佔據咗多個常委職位。上海幫開頭嘅主要成員包括:吳邦國賈慶林、曾慶紅、黃菊、李長春、吳官正。其他成員據推測重包括:劉淇、曾培炎、周永康張德江劉雲山、回良玉、華建敏、陳至立、陳良宇。

隨住江澤民響中共十六大退出中國政壇,上海幫(江派)響中央領導層嘅影響力減少。2006年9月24號,作為上海幫重要一員嘅陳良宇被撤職。黃菊喺2007年6月去世,亦都係對上海幫一個打擊。

2007年中共十七大閉幕之後,中共權力最高機構嘅中央政治局常委名單上面,冇咗曾慶紅、黃菊、吳官正。

2012年中共十八大之後,七個中央政治局常委入面,張德江劉雲山張高麗被認為同江澤民有密切關係。

人物定性爭議[編輯]

2003年,韓正當時年僅49歲就出任上海市長,10年後受中共十八大任上海市委書記,被視為江澤民上海幫一員。 [1][2]2017年中共十九大上,韓正升任中共中央政治局常委[3]。 韓正係中共黨內中間派[4]。另外,亦有報導話佢係鐵桿習派。 [5]

睇埋[編輯]

參考[編輯]

  1. 白墨 (2017-10-01). "江澤民退休十餘年 「上海幫」已成明日黃花?" (用中文寫). 香港01. 喺2018-07-11搵到. 
  2. 蔡慧婷 (2017-10-05). "十九大未來之星韓正" (用中文寫). 星洲新聞. 喺2018-07-11搵到. 
  3. /sddy/201705/12/t20170512_22780562.shtml "上海新一屆市委常委簡歷(書記韓正副書記應勇、尹弘)" 檢查|url=值 (詳情). 中國經濟網. 喺2017-05-13搵到. 
  4. "新常委: 韓正與習共事8個月成仕途關鍵". 香港經濟日報. 2017年10月25日.  檢查日期值喺: |date= (詳情)
  5. 韓正是鐵桿習派

出面網頁[編輯]