沒有國慶只有國殤示威

沒有國慶只有國殤遊行

沒有國慶只有國殤示威，係2019年10月1號香港一次反逃犯條例修訂嘅示威，主要包括咗「沒有國慶只有國殤遊行」同埋「六區開花」嘅集會。

遊行

「沒有國慶只有國殤遊行」本嚟係民陣主辦，但警方發咗「反對通知書」，民陣宣佈放棄主辦，跟住民主派前立法會議員李卓人、何俊仁、梁國雄同民陣副召集人陳皓桓宣佈以個人名義接辦，由銅鑼灣東角道行到中環遮打道行人專用區。主辦單位估計有十幾萬人參加。

各區集會

另外，有啲示威者同日發起「六區開花」行動，喺灣仔、黃大仙、深水埗、屯門、荃灣、沙田六區搞集會（無申請「不反對通知書」）。多區示威活動演化成暴力衝突。

示威者中槍

内文：曾志健中槍案

荃灣嘅示威入面，有位叫曾志健嘅中五學生畀警方嘅實彈近距離行刑式射中左胸，係成場運動中頭一位畀實彈射中嘅人。