沙梨頭市政綜合大樓

沙梨頭市政綜合大樓，俗稱新水上街市，響澳門聖安多尼堂區爹美刁施拿地大馬路，由2015年8月26號開工興建到而家。

背景

沙梨頭水上街市重建工程由中土集團澳門公司中標，項目計畫將原來兩層嘅水上街市大樓拆除，重建一座多用途市政綜合大樓。目前業主已完成原街市大樓嘅拆除工作，重建嘅街市總建築面積係二萬二千七百二十七點零八平方米左右，總層數係十三層。由於建築物大部分響海面，所以基礎樁同地面層板下結構施工都係屬於海上作業。呢嗰項目合同總價係二億一千八百幾萬葡幣，合同總工期係六百二十四日。項目起好之後嘅地面層、一樓同二樓係街市空間，售買魚類、肉類同熟食之類，一樓亦預咗位將來連接行人天橋又或者輕軌，三到七樓係公共停車場，加埋設有一百零三個電單車位同一百三十六個輕型汽車車位，九到十二樓係社區活動中心。

2015年8月26號，舉行沙梨頭水上街市重建工程動土儀式，由民署管理委員會主席黃有力主持動工儀式，黃有力話沙梨頭街市已經用咗三十幾年，民署相信透過重建嘅綜合大樓，更有利商販營商條件，亦可以為區內居民提供更理想嘅飲食、購物同消閒場所，提升區內居民嘅生活質素。