海水化淡

出自維基百科,自由嘅百科全書
跳去導覽 跳去搵嘢

海水化淡,顧名思義,海水化成淡水咁解,當今食水來源之一。簡單而言,抽走海水之中鹽份雜質,直至可以畀人。當中涉及能源,有時會好貴。至早有蒸餾煲滾海水,由得水以蒸汽飄去另一,再凍返化成淡水。新啲會用滲透壓,類似生物過程,以抽出水份。

類似亦廢水化成淡水,用來做食水。

各地情況[編輯]

香港[編輯]

香港曾經有海水化淡廠,1982年因為石油價格大升,令到成本變得過高而停用,1992年拆咗。政府喺2019年批准興建將軍澳海水化淡廠,第一期工程預料喺2023年竣工。

技術同原理[編輯]

熱能海水化淡[編輯]

熱能海水化淡嘅原理係利用高溫蒸餾海水,繼而將沸騰而冇含有鹽份嘅水蒸汽冷凝並收集而達至化淡效果。熱能海水化淡可以分為三種:

  1. 多級閃化法
  2. 蒸汽壓縮法
  3. 多效蒸餾法
多級閃化法

多級閃化法運用蒸餾嘅原理,將海水中嘅水份轉變成蒸汽,同海水中嘅鹽份分離。然後再將蒸汽冷凝之後就可以製成淡水,並用呢個方法重複幾次來增加效率。多級閃嘅好處係產量較大,但係由於需要大量能源,所以主要係中東產油國採用嘅。

薄膜海水化淡[編輯]

逆滲透法係海水化淡最常見嘅處理技術之一,原理主要係:

自然滲透

喺半透膜兩邊分別係淡水同含鹽類嘅溶液。喺自然定律之下,溶液會通過半透膜由較低濃度(清水)移動去較高濃度(鹽水)嘅一邊。

滲透平衡

淡水通過半透膜,直到膜兩邊化學勢能達到平衡為止。當兩邊嘅壓力差等於滲透壓嘅時候,溶液就會達到平衡狀。

逆滲透

若果喺鹽水一邊施以大於滲透壓嘅壓力嘅時候,鹽水嘅化學勢能會高於清水,噉就會令到鹽水中嘅水份,通過半透膜流向清水嗰邊,呢種現象就係逆滲透。

出面網頁[編輯]