海洛英

出自維基百科,自由嘅百科全書

海洛英粵拼hoi2 lok6 jing1英文heroin),學名二乙醯嗎啡[1],化學公式C21H23NO5,係隻由罌粟提煉成嘅嗎啡再製作而化學合成嘅化合物,正常用來作麻醉藥,不過好多時俾人濫用作毒品[2]

銷售用嘅固體製成品藥用成分,係通過二乙酰嗎啡同醋酸酐之間所產生嘅化學反應而製成嘅二乙醯嗎啡鹽酸鹽。所謂白粉,就係用海洛英做膽嘅白色或淺色粉狀毒品(唔等於無其他物質)。因為渠極易令人上癮,道友往往會吸食好耐日子,極難戒甩;長年累月都好好賣,所以「白粉」亦經常被用嚟通稱毒品;(白)粉友食白粉等配搭用嚟泛指嘅,可以同任何毒品相關,未必專指「白粉」,亦都唔講明濫用方法。

[編輯]

零售海洛英產品嘅樣可以係:

  • 白或灰嘅塊狀物質
  • 白或灰嘅粉狀物質
  • 啡色,稍微濕啲嘅粉狀物質。
  • 因為摻入其它物質後而形成淺黃或灰色物質。

大多數有埐醋酸味。

香港黑市[編輯]

海洛英係靠加工嗎啡而來嘅……
一號粉:用無水醋酸同多種化學藥物提煉九九九嗎啡磚得來,以鹽酸嗎啡為主嘅產品,無海洛英;
二號粉):嗎啡鹽撈鹽酸同其他化學品提煉得來,藥效強過「一號粉」,都無海洛英;
三號粉三仔):海洛英鹼加無水醋酸、士的連、咖啡因等提煉得來;用每公斤海洛英鹼,可以整到3.3公斤「三仔」,有幾成係海洛英;
四號粉四仔):舊時係指,由產毒嗰處運來零售地方之前,就已經提煉好嘅貨,海洛英純度有百分之九十以上——啪針用,要溝稀咗(通常1公斤「四仔」可以稀釋成4至6公斤)先至可以打入身。1986年第一次俾差人抽[3]到……過咗無幾耐就將「三仔」趕咗出市場咯……家陣啲香港「醫生」(零售毒販嘅黑道稱呼)賣嘅,純度得約莫百分之三十;
魚蛋仔:半克一包噉賣嘅海洛英毒品,視乎有幾純,價錢係港幣90至180蚊[4]
海洛英類毒品嘅其他相關香港俗名:美金(高純度)同港紙(低純度)等[5]

成癮性[編輯]

海洛英喺醫學可以做強效鎮痛藥物,對心臟病外傷同手術之後嘅劇痛有一定嘅效果。但用得太多好易上癮,因為有科學研究顯示,食咗佢之後12個鐘會出現緊張、瞓唔安樂、出虛汗、腸胃唔舒服、四肢疼痛同痙攣等斷癮癥狀,而且持續3~5日,加上濫用同斷癮癥狀嘅時間成正比,以用得太多會包括有嗑眼瞓、呼吸困難、低血壓、瞳孔變細、重有急性中毒出現,而且有高度心理同生理嘅依賴性。長期用佢嘅話,停藥後會發生追求藥物、情緒唔穩定、流眼淚、流虛汗、流鼻水、易發嬲、打冷顫、覺得超凍、厭食、腹瀉、身體攣埋、抽筋等一系列癥狀,而且好難戒得甩。

各國監管狀況[編輯]

中國 中國(大陸)

根據《中華人民共和國刑法》規定,凡係賣嚫邊種毒品都好,一搭正或超過50g,可以直接判死,冇得傾。

  香港

根據《危險藥物條例》規定,凡係販賣同運輸危險藥物啲人,最高可以判終身監禁同罰500萬港紙。

 澳門 澳門

《關於將販賣及使用麻醉藥品視爲刑事行爲以及提倡反吸毒措施》(澳門政府法令第5/91/M號)寫住——坐監最多廿年,罰錢500至3000000澳門幣。

中華民國 中華民國

根據《毒品危害防制條例》規定,海洛英、嗎啡、鴉片、可卡因呢4種毒品或佢嘅類似物品,都歸類為一級毒品。凡係整或販運一級毒品都會被判死刑或無期徒刑;被判無期徒刑嘅人將要罰2000萬元以下新臺幣。

荷蘭 荷蘭

根據《鴉片戰爭法荷蘭文Opiumwet》規定,呢種藥品凈可以喺醫院作為美沙酮藥物治療失敗時先可以用,但唔可以用喺其它超痛嘅疾病。

星加坡 星加坡

根據新加坡法律規定,未經批准而引入或輸出超過15克或整任何數量嘅海洛英,一經定罪一律判死刑,冇得傾。

馬來西亞 馬來西亞

根據馬來西亞毒品條例規定,凡係賣嚫邊種毒品都好,一超過5克一律判死刑,冇得傾。

日本 日本

根據《麻藥及精神藥取締法日文麻薬及び向精神薬取締法》規定,凡係生產同持有或醫療目的嘅海洛英都會被受到監管。

有關嘅書[編輯]

出面網頁[編輯]

[編輯]

  1. 洛因Heroin or Diacetylmorphine. 學Online.{{cite web}}: CS1 maint: url-status (link)
  2. 品種類 | 香港警務處. . 原著喺2020-10-18歸檔. 喺2020-10-17搵到.
  3. 語講呢啲、逗踢竇.的 - 香港文匯報. paper.wenweipo.com. 原著喺2021-08-21歸檔. 喺2021-08-21搵到.
  4. 條日報 頭條網 - 專題新聞 - 藝人藏毒 - 純度分一至四號 嗎啡為主要成分. hd.stheadline.com. 原著喺2020-10-18歸檔. 喺2020-10-18搵到.
  5. 毒小冊子 玩命說不 (PDF). .{{cite web}}: CS1 maint: url-status (link)