消費物價指數

美國消費物價指數

消費物價指數（英文：consumer price index，簡寫：CPI），又叫消費者物價指數，係量度一個地方嘅居民日常生活會買嘅消費商品嘅服務嘅價格水平，隨住時間而變動嘅情況，可以用呢個數字去計通貨膨脹嘅程度。

計法

蔬菜嘅 CPI：假設上圖籃菜能夠準確噉代表普羅大眾買嘅菜，將籃菜入面嘅菜逐種逐種攞嚟睇，嗰種菜嘅價同對上一年比升咗或者跌咗幾多呢？呢啲菜平均價錢升咗或者跌咗幾多呢？

睇埋：市場籃

計 CPI 嘅步驟大致如下－

• 首先，考慮市場籃（market basket）嘅概念。一個市場籃係指一拃「响個經濟體裏面，啲普羅消費者普通消費嗰陣會買嘅貨品同服務」，通常包括啲人買餸嗰陣買嘅嘢、各種日用品（例如番梘同廁紙）同埋日常會用嘅服務（例如飛髮同睇醫生）... 等等；响實際嘅經濟研究當中，市場籃「有咩响裏面」可以透過「對消費者做問卷調查」等嘅途徑得知。
• 知道市場籃入面有邊啲貨品服務之後，分析師就要郁手計「同舊年（或者對上一次調查通脹率）比起嚟，啲貨品服務嘅價平均變咗幾多」；呢個過程遠遠唔淨只係「攞今年嘅價同舊年嘅價，將兩個數相減或者相除，再計平均」咁簡單－分析師通常起碼要調節吓啲價嘅數值，（例如）考慮埋啲貨品服務嘅質素有乜變化，確保一件貨品服務嘅價升唔係源於件貨品服務嘅質素升咗。
• 做好咗調節之後，分析師就會攞住今年個價（${\text{price}}_{1}$）同對上一次計 CPI 嗰時嘅價（${\text{price}}_{0}$），用類似下面嗰條式噉嘅式，計出今年嘅 CPI 數值（${\text{CPI}}_{1}$）－「同對上一次調查通脹率比起嚟，啲貨品服務嘅價變咗幾多 %」：

  ${\text{CPI}}_{1}={\frac {{\text{price}}_{1}}{{\text{price}}_{0}}}\times 100$

CPI 嘅計法响經濟學界相當有爭議性－例如「要點樣先可以準確知消費者日常買乜」同埋「郁手計 CPI 之前，啲價嘅數值要用乜方法調節」都係相當大嘅問題。

睇埋

• 消費
• 通貨膨脹
• 通貨緊縮
• 經濟指標

拎

• Consumer Price Index (CPI) Explained: What It Is and How It's Used. Investopedia.