深井 (廣州)

深井（粵拼：sam1 zeng2），又叫深井古村（sam1 zeng2 gu2 cyun1），係中國廣東省廣州市嘅一個地名，喺黃埔區長洲，大學城北邊同黃埔軍校南邊之間。呢個村從搞好到而家，有成千年嘅歷史^[1]。

名

深井村嘅原名叫「金鼎村」，由於個村入面啲水井都好深，後嚟啲人乾脆改佢名做「深井村」。

史

呢個村入面傳出咗噉嘅古仔：聽話係南宋末年，啲人為咗避開元兵殺埋嚟而從福建搬到呢度。由於島上冇乜耕地，加上好多村民成日做商業為生，有錢佬通車喺附近嘅番禺、順德一帶出錢整田，結果變成經營地主。而深井因為噉而變得有米。

概況

深井古村係廣州保存得比較好嘅古村落之一，村入面保存咗好多有歷史嘅建築，有大量古民居、宗祠同塔等，延續咗嶺南建築嘅風格。同西關大屋唔同，深井嘅建築吸收咗客家嘅碉樓同西洋石柱、門樓、花紋圖等建築特色。而家重有好多村民住喺百年老宅入面，一到挨晚，出咗去啲人返咗嚟，之後木門緊鎖。啲人好似坐喺屋企門口唞涼噉，淡定睇住人來人往啲遊客，根本唔知世界變咗幾多。而班人過緊鄉下啲老坑嘅生活^[2]。

據資料記載，長洲之前係對外貿易嘅集散地，深井村民大多數搞碼頭搬運、整船同經商等，入面有好多珠三角品味嘅青磚大屋同石板街巷，尤其係正吉坊、岐西同榮陽里，入面超多古民宅^[2]。

附近嘅交通

輪渡：
深井碼頭
巴士：
深井村站

註

↑ 广州深井古村摄影攻略广州本地宝
↑ ^2.0 ^2.1 广州长洲深井古村^{[失咗效嘅鏈]} 旅游城市（广州专区）

攷

[1] 广州深井古村摄影攻略广州本地宝

[sz-2] 2.0 ^2.1 广州长洲深井古村^{[失咗效嘅鏈]} 旅游城市（广州专区）

[1]

[2]