港九培靈研經會

改拎
出自維基百科，自由嘅百科全書
  提示：呢篇文講嘅唔係培靈奮興大會。

港九培靈研經會（英文：Hong Kong Bible Conference）係一個冇分宗派嘅華人基督教聚會，「培靈」係指「培養信徒靈性」，而培靈必須通過研讀《聖經》先至可以達成，透過資深講員深入講解，加深信徒對自己信仰嘅根基，回應社會需要，喺日常生活裏面實踐，了解點樣喺基督嘅樣式生活。每年8月都喺香港舉行，近年都係安排由8月1號至10號，一連十日喺九龍城浸信會舉行。

緣起[編輯]

港九培靈研經會，簡稱培靈會。第一屆培靈會響1927年7月喺廣州舉行，第二年8月伸延到香港。自此之後，喺呢段成立初期嘅時間裏面，培靈會每年7月先喺廣州舉行，8月再喺香港舉行。除咗第二次世界大戰時期曾經停辦過之外，每年都無間斷噉舉行。戰後復辦初期，培靈會先喺香港島舉行，再移師到九龍區，「港九培靈研經會」個名就係噉嚟。

概況[編輯]

港九培靈研經會每年8月1號至10號，一連十日喺九龍城浸信會舉行，每日三場唔同形式嘅講道，每堂各有一位講員令到信徒深入了解《聖經》。

  • 研經會：全面噉研讀成卷書卷，以聖經教導作為基礎，令到信徒明白點樣回應社會嘅需要，喺日常生活實踐
  • 講道會：透過明白上帝嘅話語，教導信徒信仰嘅根基，活出基督嘅生命
  • 奮興會：用《聖經》真理激發信徒熱心，有機會就參與同信仰有關嘅服務

2003年由於沙士關係，唔想太多人聚集喺同一個地方，就安排喺全香港各區嘅多間教會透過互聯網作同步直播。自此之後，每年都有多間教會作同步直播，之後直播安排更擴展到海外教會，包括澳門、新加坡、馬來西亞、澳洲、紐西蘭、美國同加拿大等地方，令到近年出席聚會嘅人次增長到每年超過25萬人。

2020至2022年由於受到武漢肺炎香港疫情影響，培靈會以網上直播方式進行，不設現場聚會。

歷屆聚會[編輯]

歷屆聚會

出面網頁[編輯]

由「https://zh-yue.wikipedia.org/w/index.php?title=港九培靈研經會&oldid=2121436」收