帖撒羅尼迦後書

出自維基百科,自由嘅百科全書

帖撒羅尼迦後書希臘文Προς Θεσσαλονικείς Β΄)係使徒保羅喺大約公元51年寫畀帖撒羅尼迦教會嘅第二封信,之前保羅寫咗帖撒羅尼迦前書畀呢度嘅人,呢卷書屬於保羅書信之一。寫呢封信同寫前書嘅時間隔咗唔係好耐,有三個重要嘅原因令到保羅要寫另一封信:

  1. 當時嘅信徒正受到逼害,需要鼓勵(1章)。
  2. 佢哋俾人誤導,認為基督嘅日子已經到咗,實在需要糾正佢哋嘅錯誤(2章)。
  3. 又有啲人因為基督再來嘅緣故而遊手好閒,需要糾正返佢哋(3章)。

簡介[編輯]

作者:保羅
日期:51年
地點:哥林多
收信人:帖撒羅尼迦教會

基督再來嘅問題一直困擾帖撒羅尼迦嘅教會。保羅畀帖撒羅尼迦人第二封信講到佢哋嘅信仰問題,係佢哋認為基督再來嘅日子已經到咗。保羅糾正佢哋嘅錯誤,指出基督再來之前,由於嗰個假基督嘅神秘「不法者」嘅誘惑,世上嘅罪惡將會發展到最高峰。

保羅極力勸勉信徒,無論喺任何困難環境裏面都要堅守信仰,好似保羅同佢嘅同工一樣,靠自己作工來維持生活,並且盡力行善。

提要[編輯]

  1. 序言(1章1-2節)
  2. 稱頌同讚許(1章3-12節)
  3. 關於基督再來嘅啟示(2章1-17節)
  4. 對基督徒行為嘅勸勉(3章1-15節)
  5. 結語(3章16-18節)