歌羅西書

出自維基百科,自由嘅百科全書

歌羅西書希臘文Προς Κολοσσαείς)係使徒保羅寫畀公元1世紀喺羅馬帝國亞細亞行省歌羅西教會嘅一封信。大概喺公元60年-61年寫成,當時保羅喺羅馬監獄度。

簡介[編輯]

作者:保羅
日期:61年秋天
地點:羅馬
收信人:歌羅西嘅信徒

歌羅西書係保羅寫畀歌羅西教會嘅書信。歌羅西係亞細亞省以弗所東邊嘅一個市鎮。呢間教會唔係保羅創立嘅,不過保羅對呢個地區嘅教會覺得負有相當責任,因為佢曾經喺以弗所(羅馬統治下亞細亞省嘅首府)打發同工去嗰度工作。保羅聽見歌羅西教會出現假教師,佢哋堅持人若要認識上帝,獲得完全嘅拯救,一定要崇拜一種「靈界嘅首領同權威」。佢哋又主張,人一定要遵守特別禮儀好似割禮等,亦一定要嚴格遵守有關食物同其他嘅規例。

保羅根據福音嘅信息寫信反對呢種教訓。佢認為耶穌基督有完全嘅救恩,其他嘅理論或方法反而將人引入歧途,離開基督。上帝藉基督創造世界,亦透過基督使世界歸返佢。只有同基督連結,世界致獲得拯救嘅希望。最後保羅講明呢個重要教訓喺信徒生活上嘅意義。

提要[編輯]

  1. 序言(1章1-8節)
  2. 基督嘅特質同工作(1章9節-2章19節)
  3. 喺基督裏面嘅新生命(2章20節-4章6節)
  4. 結語(4章7-18節)