《何西阿書》係《舊約聖經》嘅小先知書，天主教譯做《歐瑟亞》，作者係北方以色列國嘅先知何西阿。
作者：何西阿 日期：公元前710年 地點：撒瑪利亞同耶路撒冷
先知何西阿喺公元前721年撒瑪利亞陷落前一段紛亂時期，繼先知阿摩司喺北國以色列傳上帝嘅信息。佢特別擔心人民拜偶像，唔忠於上帝嘅行為。佢大膽將自己同一個唔貞潔嘅婦人結婚嘅事來比喻以色列人民嘅背信。 正如佢老婆歌篾對佢唔貞潔，上帝嘅子民同樣背棄耶和華。因此，上帝懲罰將臨到以色列。不過到最後，上帝仍然對佢子民顯示佢信實冇變嘅愛，贏返以色列，同自己恢復正常嘅關係。
