士師記

《士師記》係《舊約聖經》嘅歷史書，天主教譯名係《民長紀》。內容記述耶和華點樣借助佢所任命嘅士師「憐憫悔改」嘅百姓，拯救佢哋。

簡介

作者：撒母耳
日期：公元前1020年
地點：示羅

「士師」係以色列歷史上嘅民族英雄。士師記記述以色列人入迦南之後到建立王國一段紛亂事期嘅歷史。呢啲歷史以十二個民族英雄嘅功績做中心，佢哋多數係軍事領袖，唔係司法人物。其中比較出名嘅係參孫，佢嘅故事記載喺第13至16章。

呢卷書主題講明以色列嘅生存有賴於對上帝嘅忠心。佢哋對上帝唔忠心嘅時候往往會招來災難，不過當佢哋悔改歸向上帝嘅時候，上帝就隨時饒恕佢哋，拯救佢哋。