溫室

出自維基百科,自由嘅百科全書
跳去: 定向搵嘢
位於美國明尼蘇達州聖保羅市嘅溫室

溫室,又叫玻璃溫室暖房,係一座專用嚟種植植物建築物。佢嘅建造物料係玻璃塑料,溫室會因太陽發出嘅電磁輻射而加熱,令溫室內嘅植物、泥土空氣等變暖。

玻璃被用作為溫室嘅建造物料係因為佢係唔同光學頻譜嘅其中一種可選性嘅傳輸媒介,而佢嘅另一個作用係可以集中抓住能量,令溫室內嘅植物、空氣變暖。呢啲熱空氣會下沉落地面同防止上升同流動,因此如果例如喺溫室屋頂上只打開一個小窗口,溫室溫度就會顯著下降,呢個原理就好似一個基本嘅自動排氣冷卻系統。起溫室就係可以抓住電磁輻射同防止對流現象。

種植[編輯]

溫室通常會用嚟種植蔬菜生果煙草植物等,而熊蜂係喺溫室度授粉嘅最佳授粉者

除煙草以上外,好多蔬菜同花喺冬末春初嘅時候會喺溫室種植,當回暖嘅時候會移植到室外。此外,農夫亦會喺呢個時候喺農貿市場進行買賣嘅。某啲喺溫室度所培養種植嘅特別品種,例如番茄等通常會成為商業產品嘅。

設備[編輯]

溫室嘅密封環境自然會有獨特嘅設備。同室外種植嘅相比,害蟲、疾病熱量濕度等完全受到控制,使用灌溉用水代替天然食水。溫室裏其中一個重要嘅條件設備就係熱量,特別係喺冬天時溫室所種植嘅熱帶蔬菜

溫室喺高緯度國家食物供應中嘅重要性逐漸增加,全球最大嘅合成溫室就係位於高緯度地帶嘅加拿大安大略省南部,嗰度有大概200英畝(0.8平方公里)嘅番茄都係喺溫室種嘅。

分類[編輯]

日光溫室(Sunlight greenhouse)

按照JBT 10292-2001嘅定義,係以日光為主要能量來源嘅溫室,一般由透光前坡、外保溫簾(被)、後坡、後牆、山牆同操作間組成。日光溫室係設施栽培領域符合中國國情嘅一項發明創造,具有鮮明嘅中國特色日光溫室嘅最大特點係保溫好、投資低、慳能源,非常適合經濟唔發達嘅農村使用。

總結[編輯]

溫室能夠保護農作物唔受過熱或過凍嘅影響,又可以庇護植物唔受沙塵暴暴風雪嘅威脅、唔受害蟲嘅侵害。透過溫室度溫度嘅控制可以令一啲非耕土地變成可耕土地

溫室可以令一啲無法喺荒漠或嚴寒地帶種植農作物貧窮飢荒嘅第三世界國家提供溫飽。溶液栽培,一種適合喺溫室使用嘅栽培法,特別適合一啲內陸地區使用。此外,一位加拿大生物學家John Todd研發咗一種技術,令污水轉換成灌溉用水,達到循環再造嘅效用。